דבר האדון ישכן בקרבכם בשפע רב בכל חכמה ותלמדו ותעוררו את נפשכם בתהלות ותשבחות ושירות רוחניות ושירו ליהוה בנעימה בלבבכם:

והיו הדברים האלה אשר אנכי מצוך היום על לבבך:

ושננתם לבניך ודברת בם בשבתך בביתך ובלכתך בדרך ובשכבך ובקומך:

ולמדתם אתם את בניכם לדבר בם בשבתך בביתך ובלכתך בדרך ובשכבך ובקומך:

ספרו בגוים את כבודו בכל העמים נפלאתיו:

פי צדיק יהגה חכמה ולשונו תדבר משפט:

תורת אלהיו בלבו לא תמעד אשריו:

בשרתי צדק בקהל רב הנה שפתי לא אכלא יהוה אתה ידעת:

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב:

יפיפית מבני אדם הוצק חן בשפתותיך על כן ברכך אלהים לעולם:

לכו שמעו ואספרה כל יראי אלהים אשר עשה לנפשי:

פי יספר צדקתך כל היום תשועתך כי לא ידעתי ספרות:

אלהים למדתני מנעורי ועד הנה אגיד נפלאותיך:

אשר שמענו ונדעם ואבותינו ספרו לנו:

לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה:

שירו לו זמרו לו שיחו בכל נפלאותיו:

בשפתי ספרתי כל משפטי פיך:

ואדברה בעדתיך נגד מלכים ולא אבוש:

שפתי צדיק ירעו רבים ואוילים בחסר לב ימותו:

מרפא לשון עץ חיים וסלף בה שבר ברוח:

שפתי חכמים יזרו דעת ולב כסילים לא כן:

לחכם לב יקרא נבון ומתק שפתים יסיף לקח:

לב חכם ישכיל פיהו ועל שפתיו יסיף לקח:

הט אזנך ושמע דברי חכמים ולבך תשית לדעתי:

כי נעים כי תשמרם בבטנך יכנו יחדו על שפתיך:

תפוחי זהב במשכיות כסף דבר דבר על אפניו:

נזם זהב וחלי כתם מוכיח חכם על אזן שמעת:

דברי פי חכם חן ושפתות כסיל תבלענו:

אז נדברו יראי יהוה איש את רעהו ויקשב יהוה וישמע ויכתב ספר זכרון לפניו ליראי יהוה ולחשבי שמו:

ושבתם וראיתם בין צדיק לרשע בין עבד אלהים לאשר לא עבדו:

ילדי הצפעונים איכה תוכלו למלל טוב ואתם רעים כי משפעת הלב ימלל הפה:

האיש הטוב מאוצר לבו הטוב מוציא את הטוב והאיש הרע מאוצר הרע מוציא רע:

וכלם העידהו ותמהו על דברי חן אשר יצאו מפיהו ויאמרו הלא זה הוא בן יוסף:

כל דבר נבול לא יצא מפיכם כי אם הטוב והמועיל לבנות לפי הצרך למען יתן חן לשמעיו:

וכל קרבן מנחתך במלח תמלח ולא תשבית מלח ברית אלהיך מעל מנחתך על כל קרבנך תקריב מלח:

ויאמר קחו לי צלחית חדשה ושימו שם מלח ויקחו אליו:

וירפו המים עד היום הזה כדבר אלישע אשר דבר:

אתם מלח הארץ ואם המלח היה תפל במה ימלח הן לא יצלח עוד לכל כי אם להשליך חוצה והיה מרמס לבני אדם:

טוב המלח ואם המלח יהיה תפל במה תתקנו אותו יהי לכם מלח בקרבכם ויהי שלום ביניכם:

אל תען כסיל כאולתו פן תשוה לו גם אתה:

ענה כסיל כאולתו פן יהיה חכם בעיניו:

ויארבו לו וישלחו מארבים והם נדמו כצדיקים למען ילכדו אותו בדבר להסגירו אל השררה ואל יד ההגמון:

המתר לנו לתת מס אל הקיסר אם לא:

מה תנסוני הראוני דינר של מי הצורה והמכתב אשר עליו ויענו ויאמרו של הקיסר:

ולא יכלו ללכדו בדבר לפני העם ויתמהו על מענהו ויחרישו:

מורה משה כתב לנו כי ימות אח בעל אשה ובנים אין לו ולקח אחיו את אשתו והקים זרע לאחיו:

ויקח אתה השני וימת גם הוא לא בנים:

ובאחרונה מתה גם האשה:

ויען ישוע ויאמר אליהם בני העולם הזה ישאו נשים ותנשאנה:

כי לא יוכלו עוד למות כי שוים הם למלאכים ובני אלהים המה בהיותם בני התקומה:

והאלהים איננו אלהי המתים כי אם אלהי החיים כי כלם חיים לו:

ולא ערבו עוד את לבם לשאל אותו דבר:

את יהוה אלהים אתו תקדישו בלבבכם והיו נכנים תמיד להשיב דבר בענוה וביראה לכל שאל אתכם חשבון התוחלת אשר בקרבכם: