יען קראתי ותמאנו נטיתי ידי ואין מקשיב:

פרשתי ידי כל היום אל עם סורר ההלכים הדרך לא טוב אחר מחשבתיהם:

הישבים בקברים ובנצורים ילינו האכלים בשר החזיר ופרק פגלים כליהם:

ושלח יהוה אליכם את כל עבדיו הנבאים השכם ושלח ולא שמעתם ולא הטיתם את אזנכם לשמע:

ואשלח אליכם את כל עבדי הנבאים השכים ושלח לאמר שבו נא איש מדרכו הרעה והיטיבו מעלליכם ואל תלכו אחרי אלהים אחרים לעבדם ושבו אל האדמה אשר נתתי לכם ולאבתיכם ולא הטיתם את אזנכם ולא שמעתם אלי:

כי דומה מלכות השמים לאדם בעל בית אשר השכים לצאת בבקר לשכר פעלים לכרמו:

ויצא בשעה השלישית וירא אחרים עמדים בטלים בשוק:

ויצא גם בשעה הששית גם בתשיעית ויעש כדבר הזה:

ויאמרו לו כי לא שכר אותנו איש ויאמר אליהם לכו גם אתם אל הכרם וכישר יתן לכם:

ויבאו הנשכרים בשעת אחת עשרה ויקחו איש איש דינר אחד:

ויהי בקחתם וילונו על בעל הבית לאמר:

ויען ויאמר אל אחד מהם רעי לא עשקתיך הלא שכר דינר התנית עמי:

הלא אוכל לעשות בשלי כרצוני האם תרע עינך על אשר טוב אנכי:

משל אחר שמעו איש בעל בית היה ויטע האיש כרם ויעש גדר סביב לו ויחצב יקב ויבן מגדל בתוכו ויתנהו אל כרמים וילך בדרך מרחוק:

ויחזיקו הכרמים בעבדיו את זה הכו ואת זה הרגו ואת זה סקלו:

ובאחרונה שלח אליהם את בנו באמרו מפני בני יגורו:

ויחזיקו בו וידחפוהו אל מחוץ לכרם ויהרגו אתו:

ויאמרו אליו ירע לרעים ויאבדם ואת הכרם יתן לכרמים אחרים אשר ישיבו לו את הפרי בעתו:

על כן אני אמר לכם כי תקח מכם מלכות האלהים ותנתן לגוי אשר יעשה את פריה:

וישלח את עבדיו לקרא הקרואים אל החתנה ולא אבו לבוא:

והם לא שתו לבם לזאת וילכו להם זה אל שדהו וזה אל מסחרו:

ויקצף המלך וישלח צבאותיו ויאבד את המרצחים ההם ואת עירם שרף באש:

לכן הנני שלח לכם נביאים וחכמים וסופרים ומהם תהרגו ותצלבו ומהם תכו בשוטים בבתי כנסיותיכם ותרדפום מעיר לעיר:

אמן אמר אני לכם בא יבא כל אלה על הדור הזה:

ואשר תקרא בשמו תשובה וסליחת החטאים בכל הגוים החל מירושלים:

אז הגידו פולוס ובר נבא על פניהם לאמר בדין היה להשמיע אתכם בראשונה את דבר האלהים ועתה אחרי אשר מאסתם אותו ואינכם זכים בעיניכם לחיי העולם לכן הננו פנים אל הגוים:

כי כן צוה עלינו האדון נתתיך לאור גוים להיות ישועתי עד קצה הארץ:

ויאמר יהוה אלי לאמר ראיתי את העם הזה והנה עם קשה ערף הוא:

כי אנכי ידעתי את מריך ואת ערפך הקשה הן בעודני חי עמכם היום ממרים היתם עם יהוה ואף כי אחרי מותי:

ויאמר יהוה אל שמואל שמע בקול העם לכל אשר יאמרו אליך כי לא אתך מאסו כי אתי מאסו ממלך עליהם:

ככל המעשים אשר עשו מיום העלתי אתם ממצרים ועד היום הזה ויעזבני ויעבדו אלהים אחרים כן המה עשים גם לך:

וימרו וימרדו בך וישלכו את תורתך אחרי גום ואת נביאיך הרגו אשר העידו בם להשיבם אליך ויעשו נאצות גדולת:

ואשלח אליכם את כל עבדי הנביאים השכים ושלח לאמר אל נא תעשו את דבר התעבה הזאת אשר שנאתי:

ותתך חמתי ואפי ותבער בערי יהודה ובחצות ירושלם ותהיינה לחרבה לשממה כיום הזה:

קשי ערף וערלי לב ואזנים ממרים הייתם תמיד ברוח הקדש כאבותיכם גם אתם:

מי מהנביאים אשר לא רדפוהו אבותיכם אף המיתו את המבשרים מקדם ביאת הצדיק אשר עתה הייתם אתם מוסריו ומרצחיו:

המנעים אתנו מדבר אל הגוים כי יושעו למען אשר ימלאו את חטאתיהם בכל עת וישיגם החרון עד לכלה:

והם נכשלו יען לא שמעו לדבר ולזאת גם נועדו: