ויזרע יצחק בארץ ההוא וימצא בשנה ההוא מאה שערים ויברכהו יהוה:

ונתתי גשמיכם בעתם ונתנה הארץ יבולה ועץ השדה יתן פריו:

והשיג לכם דיש את בציר ובציר ישיג את זרע ואכלתם לחמכם לשבע וישבתם לבטח בארצכם:

ברוך פרי בטנך ופרי אדמתך ופרי בהמתך שגר אלפיך ועשתרות צאנך:

ברוך אתה בבאך וברוך אתה בצאתך:

יצו יהוה אתך את הברכה באסמיך ובכל משלח ידך וברכך בארץ אשר יהוה אלהיך נתן לך:

וראו כל עמי הארץ כי שם יהוה נקרא עליך ויראו ממך:

יפתח יהוה לך את אוצרו הטוב את השמים לתת מטר ארצך בעתו ולברך את כל מעשה ידך והלוית גוים רבים ואתה לא תלוה:

ארץ נתנה יבולה יברכנו אלהים אלהינו:

יברכנו אלהים וייראו אתו כל אפסי ארץ:

כבד את יהוה מהונך ומראשית כל תבואתך:

וימלאו אסמיך שבע ותירוש יקביך יפרצו:

ונתן מטר זרעך אשר תזרע את האדמה ולחם תבואת האדמה והיה דשן ושמן ירעה מקניך ביום ההוא כר נרחב:

ונתתי אותם וסביבות גבעתי ברכה והורדתי הגשם בעתו גשמי ברכה יהיו:

ונתן עץ השדה את פריו והארץ תתן יבולה והיו על אדמתם לבטח וידעו כי אני יהוה בשברי את מטות עלם והצלתים מיד העבדים בהם:

והרביתי את פרי העץ ותנובת השדה למען אשר לא תקחו עוד חרפת רעב בגוים:

והיה ביום ההוא אענה נאם יהוה אענה את השמים והם יענו את הארץ:

וזרעתיה לי בארץ ורחמתי את לא רחמה ואמרתי ללא עמי עמי אתה והוא יאמר אלהי:

אל תיראו בהמות שדי כי דשאו נאות מדבר כי עץ נשא פריו תאנה וגפן נתנו חילם:

הנה ימים באים נאם יהוה ונגש חורש בקצר ודרך ענבים במשך הזרע והטיפו ההרים עסיס וכל הגבעות תתמוגגנה:

ונטעתים על אדמתם ולא ינתשו עוד מעל אדמתם אשר נתתי להם אמר יהוה אלהיך:

העוד הזרע במגורה ועד הגפן והתאנה והרמון ועץ הזית לא נשא מן היום הזה אברך:

ישאו הרים שלום לעם וגבעות בצדקה:

ופרי הצדקה בשלום יזרע לעשי השלום:

ויתן לך האלהים מטל השמים ומשמני הארץ ורב דגן ותירש:

יערף כמטר לקחי תזל כטל אמרתי כשעירם עלי דשא וכרביבים עלי עשב:

וליוסף אמר מברכת יהוה ארצו ממגד שמים מטל ומתהום רבצת תחת:

וישכן ישראל בטח בדד עין יעקב אל ארץ דגן ותירוש אף שמיו יערפו טל:

ויאמר אליהו התשבי מתשבי גלעד אל אחאב חי יהוה אלהי ישראל אשר עמדתי לפניו אם יהיה השנים האלה טל ומטר כי אם לפי דברי:

נהם ככפיר זעף מלך וכטל על עשב רצונו:

אהיה כטל לישראל יפרח כשושנה ויך שרשיו כלבנון:

על כן עליכם כלאו שמים מטל והארץ כלאה יבולה:

כה אמר יהוה צבאות כי יפלא בעיני שארית העם הזה בימים ההם גם בעיני יפלא נאם יהוה צבאות:

ביום ההוא נאם יהוה אספה הצלעה והנדחה אקבצה ואשר הרעתי:

ושמתי את הצלעה לשארית והנהלאה לגוי עצום ומלך יהוה עליהם בהר ציון מעתה ועד עולם:

על כן אל יתהלל איש באדם כי הכל הוא שלכם:

תחת בשתכם משנה וכלמה ירנו חלקם לכן בארצם משנה יירשו שמחת עולם תהיה להם:

והולכתי עליכם אדם את עמי ישראל וירשוך והיית להם לנחלה ולא תוסף עוד לשכלם:

ובהר ציון תהיה פליטה והיה קדש וירשו בית יעקב את מורשיהם:

וירשו הנגב את הר עשו והשפלה את פלשתים וירשו את שדה אפרים ואת שדה שמרון ובנימן את הגלעד:

אך בקשו בראשונה את מלכות אלהים ואת צדקתו ונוסף לכם כל אלה: