אני שכבתי ואישנה הקיצותי כי יהוה יסמכני:

שויתי יהוה לנגדי תמיד כי מימיני בל אמוט:

ובטחת כי יש תקוה וחפרת לבטח תשכב:

ורבצת ואין מחריד וחלו פניך רבים:

אם תשכב לא תפחד ושכבת וערבה שנתך:

ועל דבר הישנים אחי לא נכחד מכם דבר למען לא תעצבו כאחרים אשר אין להם תקוה:

כי אם נאמין אשר מת ישוע ויחי כן יביא האלהים על ידי ישוע גם את הישנים אתו:

אשר מת בעדנו למען אם נשקד ואם נישן חיה נחיה עמו יחד:

ואשמע קול מן השמים מדבר אלי כתב אשרי המתים אשר ימותו באדון מעתה אמנם כן אמר הרוח למען ינוחו מעמלם ומעשיהם הלך ילכו אחריהם:

ועשיתם את חקתי ואת משפטי תשמרו ועשיתם אתם וישבתם על הארץ לבטח:

ונתנה הארץ פריה ואכלתם לשבע וישבתם לבטח עליה:

והשיג לכם דיש את בציר ובציר ישיג את זרע ואכלתם לחמכם לשבע וישבתם לבטח בארצכם:

ועברתם את הירדן וישבתם בארץ אשר יהוה אלהיכם מנחיל אתכם והניח לכם מכל איביכם מסביב וישבתם בטח:

מענה אלהי קדם ומתחת זרעת עולם ויגרש מפניך אויב ויאמר השמד:

אשריך ישראל מי כמוך עם נושע ביהוה מגן עזרך ואשר חרב גאותך ויכחשו איביך לך ואתה על במותימו תדרך:

וכרתי להם ברית שלום והשבתי חיה רעה מן הארץ וישבו במדבר לבטח וישנו ביערים:

וכרתי להם ברית ביום ההוא עם חית השדה ועם עוף השמים ורמש האדמה וקשת וחרב ומלחמה אשבור מן הארץ והשכבתים לבטח:

מי יפרידנו מאהבת המשיח הצרה או מצוקה או משטמה או רעב אם עריה או סכנה או חרב:

אבל בכל אלה גברנו מאד על ידי האהב אתנו:

לא הרוח ולא העמק ולא כל בריה אחרת יוכלו להפרידנו מאהבת האלהים אשר היא במשיח ישוע אדנינו: