והיתה לי לשם ששון לתהלה ולתפארת לכל גויי הארץ אשר ישמעו את כל הטובה אשר אנכי עשה אתם ופחדו ורגזו על כל הטובה ועל כל השלום אשר אנכי עשה לה:

והיה מספר בני ישראל כחול הים אשר לא ימד ולא יספר והיה במקום אשר יאמר להם לא עמי אתם יאמר להם בני אל חי:

ונקבצו בני יהודה ובני ישראל יחדו ושמו להם ראש אחד ועלו מן הארץ כי גדול יום יזרעאל:

אחר ישבו בני ישראל ובקשו את יהוה אלהיהם ואת דויד מלכם ופחדו אל יהוה ואל טובו באחרית הימים:

והמאמינים בני המילה אשר באו את פטרוס השתוממו כי מתנת רוח הקדש נשפכה גם על הגוים:

ועתה אם מתנה אחת נתן האלהים להם ולנו המאמינים באדון ישוע המשיח מי אנכי כי אעצר לאלהים:

הרחיבי מקום אהלך ויריעות משכנותיך יטו אל תחשכי האריכי מיתריך ויתדתיך חזקי:

ותתפלל חנה ותאמר עלץ לבי ביהוה רמה קרני ביהוה רחב פי על אויבי כי שמחתי בישועתך:

ואנחנו כעזרים נזהירה אתכם שלא תקבלו לריק את חסד אלהים:

ואין אנחנו נתנים מכשול במאומה פן יהיה שרותנו לנאצה:

במכות ובמוסרות ובמהומות בתלאות בשקידות ובצומות:

בדבר האמת ובגבורת אלהים בכלי נשק הצדקה מימין ומשמאל:

כאינם ידועים וגם ידועים כמתים והננו חיים כמיסרים ולא מומתים:

פינו פתוח לכם אנשי קורנתוס ורחב לבנו:

והיה זה גמולי כמו אל בנים אנכי מדבר אם תרחיבו לבבכם גם אתם:

לא נתגדל לבלי מדה ביגיעת אחרים אבליש לנו התקוה כי ברבות אמונתכם נכבד בכם כפי גבולנו עד למעלה:

והביאו בה כבוד הגוים ותפארתם:

המה ישאו קולם ירנו בגאון יהוה צהלו מים:

על כן בארים כבדו יהוה באיי הים שם יהוה אלהי ישראל:

הבו ליהוה משפחות עמים הבו ליהוה כבוד ועז:

השתחוו ליהוה בהדרת קדש חילו מפניו כל הארץ:

ירעם הים ומלאו תבל וישבי בה:

לפני יהוה כי בא לשפט הארץ ישפט תבל בצדק ועמים במישרים:

כי לא אכחד מכם אחי את הסוד הזה פן תהיו חכמים בעיניכם כי טמטום הלב למקצת נהיה לישראל עד כי יכנס מלא הגוים:

ופתחו שעריך תמיד יומם ולילה לא יסגרו להביא אליך חיל גוים ומלכיהם נהוגים:

והיה סחרה ואתננה קדש ליהוה לא יאצר ולא יחסן כי לישבים לפני יהוה יהיה סחרה לאכל לשבעה ולמכסה עתיק:

ואתם כהני יהוה תקראו משרתי אלהינו יאמר לכם חיל גוים תאכלו ובכבודם תתימרו:

ומקץ שנים רבות באתי להביא נדבות לעמי ולהקריב קרבן:

כי מקדוניא ואכיא הואילו לתת משאת נדבה לאביוני הקדושים אשר בירושלים: