למנצח מזמור לדוד אשרי משכיל אל דל ביום רעה ימלטהו יהוה:

יהוה יסעדנו על ערש דוי כל משכבו הפכת בחליו:

היטיבה ברצונך את ציון תבנה חומות ירושלם:

מזמור לאסף אך טוב לישראל אלהים לברי לבב:

ותפק לרעב נפשך ונפש נענה תשביע וזרח בחשך אורך ואפלתך כצהרים:

ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא יכזבו מימיו:

כי האלהים לא יעות צדק לשכח את מעשיכם ואת עמל אהבתכם אשר הראיתם לשמו ששרתם ועודכם משרתים את הקדשים:

ואיש אשר לו נכסי העולם והוא ראה את אחיו חסר לחם וקפץ את רחמיו ממנו איך תעמד בו אהבת אלהים:

ובזאת נדעה כי מן האמת אנחנו ולפניו נשקיט את לבותינו:

אהובי אם לבבנו לא ירשיענו בטחון לנו באלהים:

וזאת היא מצותו להאמין בשם בנו ישוע המשיח ולאהבה איש את רעהו כאשר צונו:

אשרי אדם לא יחשב יהוה לו עון ואין ברוחו רמיה:

כי שמש ומגן יהוה אלהים חן וכבוד יתן יהוה לא ימנע טוב להלכים בתמים:

יהי לבי תמים בחקיך למען לא אבוש:

טוב יהוה לקוו לנפש תדרשנו:

וירא ישוע את נתנאל בא לקראתו ויאמר עליו הנה באמת בן ישראל אשר אין בו רמיה:

ותרמית לא נמצאה בפיהם כי תמימים המה לפני כסא האלהים: