והיו למאורת ברקיע השמים להאיר על הארץ ויהי כן:

תהום אמר לא בי היא וים אמר אין עמדי:

הבאת עד נבכי ים ובחקר תהום התהלכת:

כאבן מים יתחבאו ופני תהום יתלכדו:

והארץ היתה תהו ובהו וחשך על פני תהום ורוח אלהים מרחפת על פני המים:

ואתה תבוא אל אבתיך בשלום תקבר בשיבה טובה:

ויגוע וימת אברהם בשיבה טובה זקן ושבע ויאסף אל עמיו:

ויאמר לא ירד בני עמכם כי אחיו מת והוא לבדו נשאר וקראהו אסון בדרך אשר תלכו בה והורדתם את שיבתי ביגון שאולה:

עטרת תפארת שיבה בדרך צדקה תמצא:

תפארת בחורים כחם והדר זקנים שיבה: