עשה גדלות ואין חקר נפלאות עד אין מספר:

מי פלג לשטף תעלה ודרך לחזיז קלות:

להשביע שאה ומשאה ולהצמיח מצא דשא:

וכל שיח השדה טרם יהיה בארץ וכל עשב השדה טרם יצמח כי לא המטיר יהוה אלהים על הארץ ואדם אין לעבד את האדמה:

ואד יעלה מן הארץ והשקה את כל פני האדמה:

פקדת הארץ ותשקקה רבת תעשרנה פלג אלהים מלא מים תכין דגנם כי כן תכינה:

עטרת שנת טובתך ומעגליך ירעפון דשן:

לבשו כרים הצאן ועמקים יעטפו בר יתרועעו אף ישירו:

ואשיתהו בתה לא יזמר ולא יעדר ועלה שמיר ושית ועל העבים אצוה מהמטיר עליו מטר:

היש בהבלי הגוים מגשמים ואם השמים יתנו רבבים הלא אתה הוא יהוה אלהינו ונקוה לך כי אתה עשית את כל אלה:

יגיד עליו רעו מקנה אף על עולה:

אש וברד שלג וקיטור רוח סערה עשה דברו: