ויאמר שאול הגשו אלי העלה והשלמים ויעל העלה:

ויחמל שאול והעם על אגג ועל מיטב הצאן והבקר והמשנים ועל הכרים ועל כל הטוב ולא אבו החרימם וכל המלאכה נמבזה ונמס אתה החרימו:

כי חטאת קסם מרי ואון ותרפים הפצר יען מאסת את דבר יהוה וימאסך ממלך:

ועתה שא נא את חטאתי ושוב עמי ואשתחוה ליהוה:

ויאמר אליו כה אמר יהוה יען שלחת את איש חרמי מיד והיתה נפשך תחת נפשו ועמך תחת עמו:

וימת שאול במעלו אשר מעל ביהוה על דבר יהוה אשר לא שמר וגם לשאול באוב לדרוש:

ארור עשה מלאכת יהוה רמיה וארור מנע חרבו מדם:

אלה עשית והחרשתי דמית היות אהיה כמוך אוכיחך ואערכה לעיניך:

בינו נא זאת שכחי אלוה פן אטרף ואין מציל: