ויתחפש שאול וילבש בגדים אחרים וילך הוא ושני אנשים עמו ויבאו אל האשה לילה ויאמר קסומי נא לי באוב והעלי לי את אשר אמר אליך:

ותאמר האשה את מי אעלה לך ויאמר את שמואל העלי לי:

ונהמת באחריתך בכלות בשרך ושארך:

ולא שמעתי בקול מורי ולמלמדי לא הטיתי אזני:

מדרכיו ישבע סוג לב ומעליו איש טוב:

הלוא זאת תעשה לך עזבך את יהוה אלהיך בעת מוליכך בדרך:

ועתה מה לך לדרך מצרים לשתות מי שחור ומה לך לדרך אשור לשתות מי נהר:

ויקח שמואל את קרן השמן וימשח אתו בקרב אחיו ותצלח רוח יהוה אל דוד מהיום ההוא ומעלה ויקם שמואל וילך הרמתה:

ורוח יהוה סרה מעם שאול ובעתתו רוח רעה מאת יהוה:

וירא שאול מלפני דוד כי היה יהוה עמו ומעם שאול סר:

ותאמר פלשתים עליך שמשון ויקץ משנתו ויאמר אצא כפעם בפעם ואנער והוא לא ידע כי יהוה סר מעליו:

אל תשליכני מלפניך ורוח קדשך אל תקח ממני:

כי אם יגדלו את בניהם ושכלתים מאדם כי גם אוי להם בשורי מהם:

ואז יאמר גם אל הנצבים לשמאלו לכו מעלי אתם הארורים אל אש עולם המוכנה לשטן ולמלאכיו:

וישאל שאול ביהוה ולא ענהו יהוה גם בחלמות גם באורים גם בנביאם:

וישאל דוד ביהוה לאמר האלך והכיתי בפלשתים האלה ויאמר יהוה אל דוד לך והכית בפלשתים והושעת את קעילה:

ויוסף עוד דוד לשאל ביהוה ויענהו יהוה ויאמר קום רד קעילה כי אני נתן את פלשתים בידך:

וידע דוד כי עליו שאול מחריש הרעה ויאמר אל אביתר הכהן הגישה האפוד:

ויאמר דוד יהוה אלהי ישראל שמע שמע עבדך כי מבקש שאול לבוא אל קעילה לשחת לעיר בעבורי:

ובהיותו במכאבות בשאול וישא את עיניו וירא את אברהם מרחוק ואת לעזר בחיקו:

ויאמר אברהם בני זכר כי לקחת טובך בחייך וגם לעזר לקח את הרעות ועתה הוא ינחם ואתה תצטער: