כי חי יהוה המושיע את ישראל כי אם ישנו ביונתן בני כי מות ימות ואין ענהו מכל העם:

וישמע שאול בקול יהונתן וישבע שאול חי יהוה אם יומת:

כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע:

לא תשא את שם יהוה אלהיך לשוא כי לא ינקה יהוה את אשר ישא את שמו לשוא:

לא ימצא בך מעביר בנו ובתו באש קסם קסמים מעונן ומנחש ומכשף:

כי תועבת יהוה כל עשה אלה ובגלל התועבת האלה יהוה אלהיך מוריש אותם מפניך:

ותאמר יזכר נא המלך את יהוה אלהיך מהרבית גאל הדם לשחת ולא ישמידו את בני ויאמר חי יהוה אם יפל משערת בנך ארצה:

ויוסף לכחש וישבע לאמר לא ידעתי את האיש:

וישבע לה לאמר כל אשר תשאלי ממני אתן לך עד חצי מלכותי: