ויאמר דוד לאחימלך הכהן המלך צוני דבר ויאמר אלי איש אל ידע מאומה את הדבר אשר אנכי שלחך ואשר צויתך ואת הנערים יודעתי אל מקום פלני אלמוני:

ויאמר יעקב אל אביו אנכי עשו בכרך עשיתי כאשר דברת אלי קום נא שבה ואכלה מצידי בעבור תברכני נפשך:

ויאמר יצחק אל בנו מה זה מהרת למצא בני ויאמר כי הקרה יהוה אלהיך לפני:

ויאמר אתה זה בני עשו ויאמר אני:

ותקח האשה את שני האנשים ותצפנו ותאמר כן באו אלי האנשים ולא ידעתי מאין המה:

והיא העלתם הגגה ותטמנם בפשתי העץ הערכות לה על הגג:

ויבאו עבדי אבשלום אל האשה הביתה ויאמרו איה אחימעץ ויהונתן ותאמר להם האשה עברו מיכל המים ויבקשו ולא מצאו וישבו ירושלם:

דרך שקר הסר ממני ותורתך חנני:

שקר שנאתי ואתעבה תורתך אהבתי:

חרדת אדם יתן מוקש ובוטח ביהוה ישגב:

וכאשר בא כיפא לאנטיוכיא הוכחתי אל פניו דרכו מפני שהיה בו אשם:

ויכחשו עמו גם שאר היהודים עד כי בר נבא גם הוא נדח אחרי כחשם:

על כן הסירו מכם את השקר ודברו אמת איש את רעהו כי אברים כלנו יחד איש לאיש:

ובני חצרון אשר נולד לו את ירחמאל ואת רם ואת כלובי:

ויהיו בני ירחמאל בכור חצרון הבכור רם ובונה וארן ואצם אחיה:

ויאמר שאול אל הקיני לכו סרו רדו מתוך עמלקי פן אספך עמו ואתה עשיתה חסד עם כל בני ישראל בעלותם ממצרים ויסר קיני מתוך עמלק:

וירא את הקיני וישא משלו ויאמר איתן מושבך ושים בסלע קנך:

ובני קיני חתן משה עלו מעיר התמרים את בני יהודה מדבר יהודה אשר בנגב ערד וילך וישב את העם:

וחבר הקיני נפרד מקין מבני חבב חתן משה ויט אהלו עד אלון בצענים אשר את קדש:

תברך מנשים יעל אשת חבר הקיני מנשים באהל תברך: