ואתה תשמע השמים ועשית ושפטת את עבדיך להרשיע רשע לתת דרכו בראשו ולהצדיק צדיק לתת לו כצדקתו:

זכרה לי אלהי על זאת ואל תמח חסדי אשר עשיתי בבית אלהי ובמשמריו:

יהוה ידין עמים שפטני יהוה כצדקי וכתמי עלי:

יגמר נא רע רשעים ותכונן צדיק ובחן לבות וכליות אלהים צדיק:

יגמלני יהוה כצדקי כבר ידי ישיב לי:

כי כל משפטיו לנגדי וחקתיו לא אסיר מני:

וישב יהוה לי כצדקי כבר ידי לנגד עיניו:

עם נבר תתברר ועם עקש תתפתל:

ויאמר דוד אל אבישי אל תשחיתהו כי מי שלח ידו במשיח יהוה ונקה:

חלילה לי מיהוה משלח ידי במשיח יהוה ועתה קח נא את החנית אשר מראשתו ואת צפחת המים ונלכה לנו:

ויאמר לאנשיו חלילה לי מיהוה אם אעשה את הדבר הזה לאדני למשיח יהוה לשלח ידי בו כי משיח יהוה הוא:

וישסע דוד את אנשיו בדברים ולא נתנם לקום אל שאול ושאול קם מהמערה וילך בדרך: