ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה:

ויגשו עבדיו וידברו אליו ויאמרו אבי דבר גדול הנביא דבר אליך הלוא תעשה ואף כי אמר אליך רחץ וטהר:

מענה רך ישיב חמה ודבר עצב יעלה אף:

ויאמר למה זה אדני רדף אחרי עבדו כי מה עשיתי ומה בידי רעה:

יהוה אלהי אם עשיתי זאת אם יש עול בכפי:

אם גמלתי שולמי רע ואחלצה צוררי ריקם:

כי חנם טמנו לי שחת רשתם חנם חפרו לנפשי:

אך למלאת דבר הכתוב בתורתם שנאת חנם שנאוני:

וישב דוד במדבר במצדות וישב בהר במדבר זיף ויבקשהו שאול כל הימים ולא נתנו אלהים בידו:

וראו ודעו מכל המחבאים אשר יתחבא שם ושבתם אלי אל נכון והלכתי אתכם והיה אם ישנו בארץ וחפשתי אתו בכל אלפי יהודה:

ועתה אל יפל דמי ארצה מנגד פני יהוה כי יצא מלך ישראל לבקש את פרעש אחד כאשר ירדף הקרא בהרים:

ויגאה כשחל תצודני ותשב תתפלא בי:

איש לשון בל יכון בארץ איש חמס רע יצודנו למדחפת:

צדו צעדינו מלכת ברחבתינו קרב קצינו מלאו ימינו כי בא קצינו:

ואמרת כה אמר אדני יהוה הוי למתפרות כסתות על כל אצילי ידי ועשות המספחות על ראש כל קומה לצודד נפשות הנפשות תצודדנה לעמי ונפשות לכנה תחיינה:

אבד חסיד מן הארץ וישר באדם אין כלם לדמים יארבו איש את אחיהו יצודו חרם: