וישכמו בבקר וישתחוו לפני יהוה וישבו ויבאו אל ביתם הרמתה וידע אלקנה את חנה אשתו ויזכרה יהוה:

ויהי לתקפות הימים ותהר חנה ותלד בן ותקרא את שמו שמואל כי מיהוה שאלתיו:

ויהוה פקד את שרה כאשר אמר ויעש יהוה לשרה כאשר דבר:

ברוך יהוה אלהי ישראל כי פקד את עמו וישלח לו פדות:

והנער שמואל הלך וגדל וטוב גם עם יהוה וגם עם אנשים:

ויגדל שמואל ויהוה היה עמו ולא הפיל מכל דבריו ארצה:

ותלד האשה בן ותקרא את שמו שמשון ויגדל הנער ויברכהו יהוה:

ויגדל הילד ויחזק ברוח ויהי במדברות עד יום הראתו אל ישראל:

ויגדל הנער ויחזק ברוח וימלא חכמה וחסד אלהים עמו:

וישוע הלך וגדל בחכמה ומקומה ובחן עם אלהים ועם אנשים: