ויאמר יהוה אל משה לך אל העם וקדשתם היום ומחר וכבסו שמלתם:

וירד משה מן ההר אל העם ויקדש את העם ויכבסו שמלתם:

ויאמר אל העם היו נכנים לשלשת ימים אל תגשו אל אשה:

והתקדשתם והייתם קדשים כי אני יהוה אלהיכם:

ושמרתם את חקתי ועשיתם אתם אני יהוה מקדשכם:

שטו העם ולקטו וטחנו ברחים או דכו במדכה ובשלו בפרור ועשו אתו עגות והיה טעמו כטעם לשד השמן:

ויאמר יהושע אל העם התקדשו כי מחר יעשה יהוה בקרבכם נפלאות:

קם קדש את העם ואמרת התקדשו למחר כי כה אמר יהוה אלהי ישראל חרם בקרבך ישראל לא תוכל לקום לפני איביך עד הסירכם החרם מקרבכם:

כי רבת בקהל אשר לא התקדשו והלוים על שחיטת הפסחים לכל לא טהור להקדיש ליהוה:

כל לבבו הכין לדרוש האלהים יהוה אלהי אבותיו ולא כטהרת הקדש:

ויהי כי הקיפו ימי המשתה וישלח איוב ויקדשם והשכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשה איוב כל הימים:

בחנני יהוה ונסני צרופה כליותי ולבי:

לא ישבתי עם מתי שוא ועם נעלמים לא אבוא:

ארחץ בנקיון כפי ואסבבה את מזבחך יהוה:

אספו עם קדשו קהל קבצו זקנים אספו עוללים וינקי שדים יצא חתן מחדרו וכלה מחפתה:

יבחן האיש את נפשו ואז יאכל מן הלחם וישתה מן הכוס: