ויוסף בן שלשים שנה בעמדו לפני פרעה מלך מצרים ויצא יוסף מלפני פרעה ויעבר בכל ארץ מצרים:

יהושע בן נון העמד לפניך הוא יבא שמה אתו חזק כי הוא ינחלנה את ישראל:

בעת ההוא הבדיל יהוה את שבט הלוי לשאת את ארון ברית יהוה לעמד לפני יהוה לשרתו ולברך בשמו עד היום הזה:

אשרי אנשיך אשרי עבדיך אלה העמדים לפניך תמיד השמעים את חכמתך:

חזית איש מהיר במלאכתו לפני מלכים יתיצב בל יתיצב לפני חשכים:

אך הבל בני אדם כזב בני איש במאזנים לעלות המה מהבל יחד:

טוב לחסות ביהוה מבטח בנדיבים:

אל תבטחו בנדיבים בבן אדם שאין לו תשועה: