ויאמר זה יהיה משפט המלך אשר ימלך עליכם את בניכם יקח ושם לו במרכבתו ובפרשיו ורצו לפני מרכבתו:

ותהי המלחמה חזקה על פלשתים כל ימי שאול וראה שאול כל איש גבור וכל בן חיל ויאספהו אליו:

ופלשתים נאספו להלחם עם ישראל שלשים אלף רכב וששת אלפים פרשים ועם כחול אשר על שפת הים לרב ויעלו ויחנו במכמש קדמת בית און:

ויצא מצב פלשתים אל מעבר מכמש:

השן האחד מצוק מצפון מול מכמש והאחד מנגב מול גבע:

ויכו ביום ההוא בפלשתים ממכמש אילנה ויעף העם מאד:

בא על עית עבר במגרון למכמש יפקיד כליו:

וגם שאול הלך לביתו גבעתה וילכו עמו החיל אשר נגע אלהים בלבם:

וילך שמואל הרמתה ושאול עלה אל ביתו גבעת שאול:

וצלע האלף והיבוסי היא ירושלם גבעת קרית ערים ארבע עשרה וחצריהן זאת נחלת בני בנימן למשפחתם:

ויאמר אליו אדניו לא נסור אל עיר נכרי אשר לא מבני ישראל הנה ועברנו עד גבעה:

ינתן לנו שבעה אנשים מבניו והוקענום ליהוה בגבעת שאול בחיר יהוה ויאמר המלך אני אתן:

עברו מעברה גבע מלון לנו חרדה הרמה גבעת שאול נסה: