לכן נאם יהוה אלהי ישראל אמור אמרתי ביתך ובית אביך יתהלכו לפני עד עולם ועתה נאם יהוה חלילה לי כי מכבדי אכבד ובזי יקלו:

ויאמר אליו שמואל קרע יהוה את ממלכות ישראל מעליך היום ונתנה לרעך הטוב ממך:

ויאמר יהוה אל שמואל עד מתי אתה מתאבל אל שאול ואני מאסתיו ממלך על ישראל מלא קרנך שמן ולך אשלחך אל ישי בית הלחמי כי ראיתי בבניו לי מלך:

וישלח ויביאהו והוא אדמוני עם יפה עינים וטוב ראי ויאמר יהוה קום משחהו כי זה הוא:

וחסדי לא יסור ממנו כאשר הסרתי מעם שאול אשר הסרתי מלפניך:

ונאמן ביתך וממלכתך עד עולם לפניך כסאך יהיה נכון עד עולם:

ויבחר בדוד עבדו ויקחהו ממכלאת צאן:

אז דברת בחזון לחסידיך ותאמר שויתי עזר על גבור הרימותי בחור מעם:

מצאתי דוד עבדי בשמן קדשי משחתיו:

לא ישא אויב בו ובן עולה לא יעננו:

ואמונתי וחסדי עמו ובשמי תרום קרנו:

הוא יקראני אבי אתה אלי וצור ישועתי:

לעולם אשמור לו חסדי ובריתי נאמנת לו:

אם יעזבו בניו תורתי ובמשפטי לא ילכון:

ופקדתי בשבט פשעם ובנגעים עונם:

לא אחלל בריתי ומוצא שפתי לא אשנה:

זרעו לעולם יהיה וכסאו כשמש נגדי:

וכהסירו אותו ויקם את דוד למלך עליהם אשר גם העיד עליו לאמר מצאתי דוד את בן ישי איש כלבבי והוא יעשה את כל חפצי:

כעת מחר אשלח אליך איש מארץ בנימן ומשחתו לנגיד על עמי ישראל והושיע את עמי מיד פלשתים כי ראיתי את עמי כי באה צעקתו אלי:

גם אתמול גם שלשום בהיות שאול מלך עלינו אתה הייתה מוציא והמבי את ישראל ויאמר יהוה לך אתה תרעה את עמי את ישראל ואתה תהיה לנגיד על ישראל:

שוב ואמרת אל חזקיהו נגיד עמי כה אמר יהוה אלהי דוד אביך שמעתי את תפלתך ראיתי את דמעתך הנני רפא לך ביום השלישי תעלה בית יהוה:

כי נאה היה לו אשר הכל למענו והכל על ידו בהנחתו בנים רבים לכבוד להשלים בענוים את שר ישועתם: