בימים ההם אין מלך בישראל ובימים ההם שבט הדני מבקש לו נחלה לשבת כי לא נפלה לו עד היום ההוא בתוך שבטי ישראל בנחלה:

ויהי בימים ההם ומלך אין בישראל ויהי איש לוי גר בירכתי הר אפרים ויקח לו אשה פילגש מבית לחם יהודה:

ויאמרו למה יהוה אלהי ישראל היתה זאת בישראל להפקד היום מישראל שבט אחד:

בימים ההם אין מלך בישראל איש הישר בעיניו יעשה:

ואלה המלכים אשר מלכו בארץ אדום לפני מלך מלך לבני ישראל:

ויהי בישרון מלך בהתאסף ראשי עם יחד שבטי ישראל:

לא תעשון ככל אשר אנחנו עשים פה היום איש כל הישר בעיניו:

אשר אמרו ללשננו נגביר שפתינו אתנו מי אדון לנו:

דרך אויל ישר בעיניו ושמע לעצה חכם:

יש דרך ישר לפני איש ואחריתה דרכי מות:

כל דרכי איש זך בעיניו ותכן רוחות יהוה:

שמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשפט:

הדבר אשר דברת אלינו בשם יהוה איננו שמעים אליך:

כי עשה נעשה את כל הדבר אשר יצא מפינו לקטר למלכת השמים והסיך לה נסכים כאשר עשינו אנחנו ואבתינו מלכינו ושרינו בערי יהודה ובחצות ירושלם ונשבע לחם ונהיה טובים ורעה לא ראינו: