אלהינו הלא תשפט בם כי אין בנו כח לפני ההמון הרב הזה הבא עלינו ואנחנו לא נדע מה נעשה כי עליך עינינו:

וקראני ביום צרה אחלצך ותכבדני:

יקראני ואענהו עמו אנכי בצרה אחלצהו ואכבדהו:

ובשם יהוה אקרא אנה יהוה מלטה נפשי:

כי לא יזנח לעולם אדני:

כי אם הוגה ורחם כרב חסדו:

ומה אמר עוד הן תקצר לי העת אם אספר מעשי גדעון וברק ושמשון ויפתח ודוד ושמואל והנביאים:

זכר זאת אויב חרף יהוה ועם נבל נאצו שמך:

הבט לברית כי מלאו מחשכי ארץ נאות חמס:

קומה אלהים ריבה ריבך זכר חרפתך מני נבל כל היום:

ויתפלל יונה אל יהוה אלהיו ממעי הדגה:

ויאמר קראתי מצרה לי אל יהוה ויענני מבטן שאול שועתי שמעת קולי:

בהתעטף עלי נפשי את יהוה זכרתי ותבוא אליך תפלתי אל היכל קדשך:

אתה ידעת יהוה זכרני ופקדני והנקם לי מרדפי אל לארך אפך תקחני דע שאתי עליך חרפה:

כן יאבדו כל אויביך יהוה ואהביו כצאת השמש בגברתו ותשקט הארץ ארבעים שנה:

ישמח צדיק כי חזה נקם פעמיו ירחץ בדם הרשע:

ויאמר אדם אך פרי לצדיק אך יש אלהים שפטים בארץ:

ובחסדך תצמית איבי והאבדת כל צררי נפשי כי אני עבדך:

אלכסנדר חרש הנחשת עשה לי רעות רבות ישלם לו יהוה כמעשיו:

ויזעקו בקול גדול ויאמרו עד מתי אדני הקדוש והאמתי לא תשפט ולא תקום את דמינו מישבי הארץ: