וישב במדבר פארן ותקח לו אמו אשה מארץ מצרים:

ויאמר אברהם אל עבדו זקן ביתו המשל בכל אשר לו שים נא ידך תחת ירכי:

ואשביעך ביהוה אלהי השמים ואלהי הארץ אשר לא תקח אשה לבני מבנות הכנעני אשר אנכי יושב בקרבו:

ויאמר שכם אל חמור אביו לאמר קח לי את הילדה הזאת לאשה:

ויקח יהודה אשה לער בכורו ושמה תמר:

וישלח יהואש מלך ישראל אל אמציהו מלך יהודה לאמר החוח אשר בלבנון שלח אל הארז אשר בלבנון לאמר תנה את בתך לבני לאשה ותעבר חית השדה אשר בלבנון ותרמס את החוח: