ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות:

ויך לב דוד אתו אחרי כן ספר את העם ויאמר דוד אל יהוה חטאתי מאד אשר עשיתי ועתה יהוה העבר נא את עון עבדך כי נסכלתי מאד:

ישר על אנשים ויאמר חטאתי וישר העויתי ולא שוה לי:

מכסה פשעיו לא יצליח ומודה ועזב ירחם:

אם נאמר כי אין בנו חטא הננו מתעים את נפשתינו והאמת אין בנו:

ואם נאמר כי לא חטאנו לכזב נשימנו ודברו אין בנו:

ועתה הננו בידך כטוב וכישר בעיניך לעשות לנו עשה:

ויגד לו שמואל את כל הדברים ולא כחד ממנו ויאמר יהוה הוא הטוב בעינו יעשה:

חזק ונתחזק בעד עמנו ובעד ערי אלהינו ויהוה יעשה הטוב בעיניו:

ואם כה יאמר לא חפצתי בך הנני יעשה לי כאשר טוב בעיניו:

ואני אמרתי נגרשתי מנגד עיניך אך אוסיף להביט אל היכל קדשך:

מי יודע ישוב ונחם האלהים ושב מחרון אפו ולא נאבד:

ויאמר דוד אל גד צר לי מאד נפלה נא ביד יהוה כי רבים רחמו וביד אדם אל אפלה:

כי אל אל האמר נשאתי לא אחבל:

בלעדי אחזה אתה הרני אם עול פעלתי לא אסיף: