כי יום ליהוה צבאות על כל גאה ורם ועל כל נשא ושפל:

אהה ליום כי קרוב יום יהוה וכשד משדי יבוא:

תקעו שופר בציון והריעו בהר קדשי ירגזו כל ישבי הארץ כי בא יום יהוה כי קרוב:

השמש יהפך לחשך והירח לדם לפני בוא יום יהוה הגדול והנורא:

המונים המונים בעמק החרוץ כי קרוב יום יהוה בעמק החרוץ:

הנה אנכי שלח לכם את אליה הנביא לפני בוא יום יהוה הגדול והנורא:

למסר את האיש ההוא לשטן לאבדן הבשר למען יושע הרוח ביום האדון ישוע:

ואקוה כי כאשר ידעתם אתנו למקצת אף תדעו עד תכלית כי אנחנו תהלתכם כאשר גם אתם תהלתנו ביום אדנינו ישוע:

והמלאכים אשר לא שמרו את משרתם כי אם עזבו את זבלם שמרם במוסרות עולם ובאפלה למשפט היום הגדול:

לכן שקדו כי אינכם יודעים באי זו שעה יבא אדניכם:

ואת זאת הבינו אשר לו ידע בעל הבית באי זו אשמורה יבא הגנב כי עתה שקד ולא הניח לחתר את ביתו:

וזאת דעו אשר אם ידע ידע בעל הבית באי זו שעה יבוא הגנב כי עתה שקד שקוד ולא יתן לחתר את ביתו:

הלא אף אתם ידעתם היטב כי יום יהוה כגנב בלילה כן בוא יבוא:

זכור את אשר קבלת ושמעת ושמרה זאת ושובה ואם לא תשקד הנני בא עליך כגנב ולא תדע באי זו שעה אבא עליך:

הנני בא כגנב אשרי השקד ושמר את בגדיו למען לא ילך ערם וראו את ערותו:

המה יאבדו ואתה תעמד וכלם כבגד יבלו כלבוש תחליפם ויחלפו:

שאו לשמים עיניכם והביטו אל הארץ מתחת כי שמים כעשן נמלחו והארץ כבגד תבלה וישביה כמו כן ימותון וישועתי לעולם תהיה וצדקתי לא תחת:

השמים והארץ יעברו ודברי לא יעברון:

השמים והארץ יעברו ודברי לא יעברון:

כי נכבשה הבריאה להבל לא מרצונה כי אם למען הכבש אתה אלי תקוה:

המה יאבדו ואתה תעמד וכלם כבגד יבלו:

כלבוש תחליפם ויחלפו ואתה הוא ושנותיך לא יתמו:

וארא כסא לבן וגדול ואת הישב עליו אשר מפניו נסו ארץ ושמים ולא נמצא להם מקום:

וארא שמים חדשים וארץ חדשה כי השמים הראשנים והארץ הראשונה עברו והים איננו עוד:

ולחכות לבא יום יהוה ולהחיש אתו אשר בגללו השמים ימוגו באש והיסדות יבערו ונמסו:

המו גוים מטו ממלכות נתן בקולו תמוג ארץ:

הרים כדונג נמסו מלפני יהוה מלפני אדון כל הארץ:

ואדני יהוה הצבאות הנוגע בארץ ותמוג ואבלו כל יושבי בה ועלתה כיאר כלה ושקעה כיאר מצרים:

הנה ימים באים נאם יהוה ונגש חורש בקצר ודרך ענבים במשך הזרע והטיפו ההרים עסיס וכל הגבעות תתמוגגנה:

הרים רעשו ממנו והגבעות התמגגו ותשא הארץ מפניו ותבל וכל ישבי בה:

גם השמים והארץ אשר לפנינו נצפנו בדברו והם שמורים לאש ליום הדין ואבד אנשי הרשע: