ויבא יהושע בעת ההיא ויכרת את הענקים מן ההר מן חברון מן דבר מן ענב ומכל הר יהודה ומכל הר ישראל עם עריהם החרימם יהושע:

לא נותר ענקים בארץ בני ישראל רק בעזה בגת ובאשדוד נשארו:

אפס כי עז העם הישב בארץ והערים בצרות גדלת מאד וגם ילדי הענק ראינו שם:

ושם ראינו את הנפילים בני ענק מן הנפלים ונהי בעינינו כחגבים וכן היינו בעיניהם:

אם חפץ בנו יהוה והביא אתנו אל הארץ הזאת ונתנה לנו ארץ אשר הוא זבת חלב ודבש:

אך ביהוה אל תמרדו ואתם אל תיראו את עם הארץ כי לחמנו הם סר צלם מעליהם ויהוה אתנו אל תיראם:

ויאמר יהוה אל משה אל תירא אתו כי בידך נתתי אתו ואת כל עמו ואת ארצו ועשית לו כאשר עשית לסיחן מלך האמרי אשר יושב בחשבון:

ויאמר יהונתן אל הנער נשא כליו לכה ונעברה אל מצב הערלים האלה אולי יעשה יהוה לנו כי אין ליהוה מעצור להושיע ברב או במעט:

ויקרא אסא אל יהוה אלהיו ויאמר יהוה אין עמך לעזור בין רב לאין כח עזרנו יהוה אלהינו כי עליך נשענו ובשמך באנו על ההמון הזה יהוה אלהינו אתה אל יעצר עמך אנוש:

האל המאזרני חיל ויתן תמים דרכי:

מלמד ידי למלחמה ונחתה קשת נחושה זרועתי:

לדוד יהוה אורי וישעי ממי אירא יהוה מעוז חיי ממי אפחד:

אם תחנה עלי מחנה לא יירא לבי אם תקום עלי מלחמה בזאת אני בוטח:

כי לא בחרבם ירשו ארץ וזרועם לא הושיעה למו כי ימינך וזרועך ואור פניך כי רציתם:

באלהים נעשה חיל והוא יבוס צרינו:

כל גוים סבבוני בשם יהוה כי אמילם:

סבוני כדבורים דעכו כאש קוצים בשם יהוה כי אמילם:

ועתה מה נאמר על זאת אם האלהים לנו מי יריב אתנו:

כל זאת אוכל בעזרת המשיח הנותן כח בקרבי:

אשר באמונה כבשו ממלכות ופעלו צדק והשגו הבטחות וסכרו פי אריות:

וירש משם כלב את שלושה בני הענק את ששי ואת אחימן ואת תלמי ילידי הענק:

ויתנו לכלב את חברון כאשר דבר משה ויורש משם את שלשה בני הענק: