ואת המשכן תעשה עשר יריעת שש משזר ותכלת וארגמן ותלעת שני כרבים מעשה חשב תעשה אתם:

חמש היריעת תהיין חברת אשה אל אחתה וחמש יריעת חברת אשה אל אחתה:

חמשים ללאת תעשה ביריעה האחת וחמשים ללאת תעשה בקצה היריעה אשר במחברת השנית מקבילת הללאת אשה אל אחתה:

ועשית יריעת עזים לאהל על המשכן עשתי עשרה יריעת תעשה אתם:

וחברת את חמש היריעת לבד ואת שש היריעת לבד וכפלת את היריעה הששית אל מול פני האהל:

ועשית קרסי נחשת חמשים והבאת את הקרסים בללאת וחברת את האהל והיה אחד:

והאמה מזה והאמה מזה בעדף בארך יריעת האהל יהיה סרוח על צדי המשכן מזה ומזה לכסתו:

ועשית את הקרשים למשכן עצי שטים עמדים:

שתי ידות לקרש האחד משלבת אשה אל אחתה כן תעשה לכל קרשי המשכן:

וארבעים אדני כסף תעשה תחת עשרים הקרש שני אדנים תחת הקרש האחד לשתי ידתיו ושני אדנים תחת הקרש האחד לשתי ידתיו:

וארבעים אדניהם כסף שני אדנים תחת הקרש האחד ושני אדנים תחת הקרש האחד:

ושני קרשים תעשה למקצעת המשכן בירכתים:

והיו שמנה קרשים ואדניהם כסף ששה עשר אדנים שני אדנים תחת הקרש האחד ושני אדנים תחת הקרש האחד:

וחמשה בריחם לקרשי צלע המשכן השנית וחמשה בריחם לקרשי צלע המשכן לירכתים ימה:

ואת הקרשים תצפה זהב ואת טבעתיהם תעשה זהב בתים לבריחם וצפית את הבריחם זהב:

וזה הדבר אשר תעשה להם לקדש אתם לכהן לי לקח פר אחד בן בקר ואילם שנים תמימם:

ועשית לאהרן ולבניו ככה ככל אשר צויתי אתכה שבעת ימים תמלא ידם:

ויעשו כל חכם לב בעשי המלאכה את המשכן עשר יריעת שש משזר ותכלת וארגמן ותולעת שני כרבים מעשה חשב עשה אתם:

ויחבר את חמש היריעת אחת אל אחת וחמש יריעת חבר אחת אל אחת:

חמשים ללאת עשה ביריעה האחת וחמשים ללאת עשה בקצה היריעה אשר במחברת השנית מקבילת הללאת אחת אל אחת:

ויעש יריעת עזים לאהל על המשכן עשתי עשרה יריעת עשה אתם:

ויחבר את חמש היריעת לבד ואת שש היריעת לבד:

ויעש קרסי נחשת חמשים לחבר את האהל להית אחד:

ויעש את הקרשים למשכן עצי שטים עמדים:

שתי ידת לקרש האחד משלבת אחת אל אחת כן עשה לכל קרשי המשכן:

וארבעים אדני כסף עשה תחת עשרים הקרשים שני אדנים תחת הקרש האחד לשתי ידתיו ושני אדנים תחת הקרש האחד לשתי ידתיו:

וארבעים אדניהם כסף שני אדנים תחת הקרש האחד ושני אדנים תחת הקרש האחד:

ושני קרשים עשה למקצעת המשכן בירכתים:

והיו שמנה קרשים ואדניהם כסף ששה עשר אדנים שני אדנים שני אדנים תחת הקרש האחד:

וחמשה בריחם לקרשי צלע המשכן השנית וחמשה בריחם לקרשי המשכן לירכתים ימה:

ואת הקרשים צפה זהב ואת טבעתם עשה זהב בתים לבריחם ויצף את הבריחם זהב:

ויעש לה ארבעה עמודי שטים ויצפם זהב וויהם זהב ויצק להם ארבעה אדני כסף:

ואת עמודיו חמשה ואת וויהם וצפה ראשיהם וחשקיהם זהב ואדניהם חמשה נחשת:

ותכל כל עבדת משכן אהל מועד ויעשו בני ישראל ככל אשר צוה יהוה את משה כן עשו:

ואת מכסה עורת האילם המאדמים ואת מכסה ערת התחשים ואת פרכת המסך:

ביום החדש הראשון באחד לחדש תקים את משכן אהל מועד:

ויקם משה את המשכן ויתן את אדניו וישם את קרשיו ויתן את בריחיו ויקם את עמודיו:

ויקח ויתן את העדת אל הארן וישם את הבדים על הארן ויתן את הכפרת על הארן מלמעלה:

ועשית שלחן עצי שטים אמתים ארכו ואמה רחבו ואמה וחצי קמתו:

ועשית לו מסגרת טפח סביב ועשית זר זהב למסגרתו סביב:

לעמת המסגרת תהיין הטבעת לבתים לבדים לשאת את השלחן:

ועשית קערתיו וכפתיו וקשותיו ומנקיתיו אשר יסך בהן זהב טהור תעשה אתם:

ועשית מנרת זהב טהור מקשה תעשה המנורה ירכה וקנה גביעיה כפתריה ופרחיה ממנה יהיו:

שלשה גבעים משקדים בקנה האחד כפתר ופרח ושלשה גבעים משקדים בקנה האחד כפתר ופרח כן לששת הקנים היצאים מן המנרה:

וכפתר תחת שני הקנים ממנה וכפתר תחת שני הקנים ממנה וכפתר תחת שני הקנים ממנה לששת הקנים היצאים מן המנרה:

ועשית את נרתיה שבעה והעלה את נרתיה והאיר על עבר פניה:

ככר זהב טהור יעשה אתה את כל הכלים האלה:

ושמת את השלחן מחוץ לפרכת ואת המנרה נכח השלחן על צלע המשכן תימנה והשלחן תתן על צלע צפון:

ויעש את השלחן עצי שטים אמתים ארכו ואמה רחבו ואמה וחצי קמתו:

ויעש לו מסגרת טפח סביב ויעש זר זהב למסגרתו סביב:

לעמת המסגרת היו הטבעת בתים לבדים לשאת את השלחן:

ויעש את הכלים אשר על השלחן את קערתיו ואת כפתיו ואת מנקיתיו ואת הקשות אשר יסך בהן זהב טהור:

וששה קנים יצאים מצדיה שלשה קני מנרה מצדה האחד ושלשה קני מנרה מצדה השני:

ובמנרה ארבעה גבעים משקדים כפתריה ופרחיה:

כפתריהם וקנתם ממנה היו כלה מקשה אחת זהב טהור:

ככר זהב טהור עשה אתה ואת כל כליה:

את השלחן את כל כליו ואת לחם הפנים:

ואת מזבח הזהב ואת שמן המשחה ואת קטרת הסמים ואת מסך פתח האהל:

והבאת את השלחן וערכת את ערכו והבאת את המנרה והעלית את נרתיה:

ויתן את השלחן באהל מועד על ירך המשכן צפנה מחוץ לפרכת:

וישם את המנרה באהל מועד נכח השלחן על ירך המשכן נגבה:

והבאת את השלחן וערכת את ערכו והבאת את המנרה והעלית את נרתיה:

ולקחת סלת ואפית אתה שתים עשרה חלות שני עשרנים יהיה החלה האחת:

ושמת אותם שתים מערכות שש המערכת על השלחן הטהר לפני יהוה:

ועשית שלחן עצי שטים אמתים ארכו ואמה רחבו ואמה וחצי קמתו:

ונתת על השלחן לחם פנים לפני תמיד:

ונתתה את הפרכת תחת הקרסים והבאת שמה מבית לפרכת את ארון העדות והבדילה הפרכת לכם בין הקדש ובין קדש הקדשים: