ראו עתה אחי פן יש באחד מכם לב רע וחסר אמונה לסור מאלהים חיים:

אך הוכח תוכיחו איש את רעהו יום יום עד שיקרא היום למען אשר לא יקשה איש מכם את לבו במדוחי פשע:

וירא פרעה כי היתה הרוחה והכבד את לבו ולא שמע אלהם כאשר דבר יהוה:

ולמה תכבדו את לבבכם כאשר כבדו מצרים ופרעה את לבם הלוא כאשר התעלל בהם וישלחום וילכו:

ולא שמעו ויקשו את ערפם כערף אבותם אשר לא האמינו ביהוה אלהיהם:

עתה אל תקשו ערפכם כאבותיכם תנו יד ליהוה ובאו למקדשו אשר הקדיש לעולם ועבדו את יהוה אלהיכם וישב מכם חרון אפו:

וגם במלך נבוכדנאצר מרד אשר השביעו באלהים ויקש את ערפו ויאמץ את לבבו משוב אל יהוה אלהי ישראל:

והם ואבתינו הזידו ויקשו את ערפם ולא שמעו אל מצותיך:

חכם לבב ואמיץ כח מי הקשה אליו וישלם:

אשרי אדם מפחד תמיד ומקשה לבו יפול ברעה:

איש תוכחות מקשה ערף פתע ישבר ואין מרפא:

ולוא שמעו אלי ולא הטו את אזנם ויקשו את ערפם הרעו מאבותם:

ובית ישראל לא יאבו לשמע אליך כי אינם אבים לשמע אלי כי כל בית ישראל חזקי מצח וקשי לב המה:

כשמיר חזק מצר נתתי מצחך לא תירא אותם ולא תחת מפניהם כי בית מרי המה:

וכדי רם לבבה ורוחה תקפת להזדה הנחת מן כרסא מלכותה ויקרה העדיו מנה:

וימאנו להקשיב ויתנו כתף סררת ואזניהם הכבידו משמוע:

ולבם שמו שמיר משמוע את התורה ואת הדברים אשר שלח יהוה צבאות ברוחו ביד הנביאים הראשנים ויהי קצף גדול מאת יהוה צבאות:

כי השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב ורפא לו:

אך מקצתם הקשו את לבבם ולא האמינו וידברו סרה על הדרך הזה לפני הקהל ויסר מהם ויבדל מתוכם את התלמידים וידבר אתם יום יום בבית המדרש של טורנוס:

ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו:

אשר ישלם לאיש כמעשהו:

ויאמר יהוה אל משה עד אנה ינאצני העם הזה ועד אנה לא יאמינו בי בכל האתות אשר עשיתי בקרבו:

כי כל האנשים הראים את כבדי ואת אתתי אשר עשיתי במצרים ובמדבר וינסו אתי זה עשר פעמים ולא שמעו בקולי:

אם יראו את הארץ אשר נשבעתי לאבתם וכל מנאצי לא יראוה:

ובתבערה ובמסה ובקברת התאוה מקצפים הייתם את יהוה:

ממרים הייתם עם יהוה מיום דעתי אתכם:

וינסו וימרו את אלהים עליון ועדותיו לא שמרו:

ויקרא שם המקום מסה ומריבה על ריב בני ישראל ועל נסתם את יהוה לאמר היש יהוה בקרבנו אם אין:

לא תנסו את יהוה אלהיכם כאשר נסיתם במסה:

וינסו אל בלבבם לשאל אכל לנפשם:

ויתאוו תאוה במדבר וינסו אל בישימון:

ולא ננסה את המשיח כאשר נסוהו מקצתם ויאבדום הנחשים: