וישמע יעקב אל אביו ואל אמו וילך פדנה ארם:

כבד את אביך ואת אמך למען יארכון ימיך על האדמה אשר יהוה אלהיך נתן לך:

איש אמו ואביו תיראו ואת שבתתי תשמרו אני יהוה אלהיכם:

כי יהיה לאיש בן סורר ומורה איננו שמע בקול אביו ובקול אמו ויסרו אתו ולא ישמע אליהם:

ואמרו אל זקני עירו בננו זה סורר ומרה איננו שמע בקלנו זולל וסבא:

ארור מקלה אביו ואמו ואמר כל העם אמן:

נצר בני מצות אביך ואל תטש תורת אמך:

מקלל אביו ואמו ידעך נרו באישון חשך:

דור אביו יקלל ואת אמו לא יברך:

עין תלעג לאב ותבוז ליקהת אם יקרוה ערבי נחל ויאכלוה בני נשר:

אב ואם הקלו בך לגר עשו בעשק בתוכך יתום ואלמנה הונו בך:

בן יכבד אב ועבד אדניו ואם אב אני איה כבודי ואם אדונים אני איה מוראי אמר יהוה צבאות לכם הכהנים בוזי שמי ואמרתם במה בזינו את שמך:

כי אלהים צוה לאמר כבד את אביך ואת אמך ומקלל אביו ואמו מות יומת:

ותפרו את דבר האלהים בעבור קבלתכם:

כבד את אביך ואת אמך ואהבת לרעך כמוך:

שמעו בנים אל הוריכם באדנינו כי ארח ישר הוא:

למען ייטב לך ולמען יאריכן ימיך על האדמה:

העבדים שמעו בכל דבר אל אדניכם לפי הבשר לא בעבודה למראה העין כמבקשי חן בני אדם כי אם בתם לבב כיראי האלהים:

אבל כאשר תכנע העדה למשיח ככה גם הנשים לבעליהן בכל דבר:

העבדים יכנעו לאדניהם ויתרצו להם בכל דבר ולא ימרו את דבריהם:

להתהלך כטוב בעיני האדון וככל רצונו ולעשות פרי בכל מעשה טוב ולרבות בדעת אלהים:

ואני קבלתי את הכל ויש לי די והותר ואני נמלאתי ריח ניחח בקבלי מידי אפפרודיטוס את כל אשר שלחתם זבח ערב ורצוי לאלהים:

הוא ישלימכם בכל מעשה טוב לעשות רצונו בפעלו בכם את הרצוי לפניו ביד ישוע המשיח אשר לו הכבוד לעולמי עולמים אמן: