לא תאכלו כל נבלה לגר אשר בשעריך תתננה ואכלה או מכר לנכרי כי עם קדוש אתה ליהוה אלהיך לא תבשל גדי בחלב אמו:

את הנכרי תגש ואשר יהיה לך את אחיך תשמט ידך:

וכי יגור אתך גר בארצכם לא תונו אתו:

כאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם:

נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשך ובכל משלח ידך:

מלוה יהוה חונן דל וגמלו ישלם לו:

אם תאבו ושמעתם טוב הארץ תאכלו:

ואשריך באשר אין להם לשלם לך כי ישלם לך בתחית הצדיקים:

על כן אחי חביבי התכוננו בל תמוטו והעדיפו בכל עת במעשה אדנינו מדעתכם כי לא לריק עמלכם באדנינו: