ויצו משה את העם ביום ההוא לאמר:

ויאמר יהוה אל משה הן קרבו ימיך למות קרא את יהושע והתיצבו באהל מועד ואצונו וילך משה ויהושע ויתיצבו באהל מועד:

והעמדת אתו לפני אלעזר הכהן ולפני כל העדה וצויתה אתו לעיניהם:

ואתם ידעתם כי כאב את בניו הזהרנו את כל אחד מכם ודברנו על לבו:

הנני מעיד בך נגד האלהים ואדנינו ישוע המשיח ונגד בחירי המלאכים אשר שמור תשמר את זאת בלי משפט נמהר ולא תעשה דבר במשא פנים:

את עשירי העולם הזה תצוה שלא ירום לבבם גם לא יבטחו בעשר הבוגד כי אם באלהים חיים המספיק לנו די והותר לשבע:

שפטים ושטרים תתן לך בכל שעריך אשר יהוה אלהיך נתן לך לשבטיך ושפטו את העם משפט צדק:

לא תטה משפט לא תכיר פנים ולא תקח שחד כי השחד יעור עיני חכמים ויסלף דברי צדיקם:

לא תהיה אחרי רבים לרעת ולא תענה על רב לנטת אחרי רבים להטת:

ודל לא תהדר בריבו:

מדבר שקר תרחק ונקי וצדיק אל תהרג כי לא אצדיק רשע:

ושחד לא תקח כי השחד יעור פקחים ויסלף דברי צדיקים:

לא תעשו עול במשפט לא תשא פני דל ולא תהדר פני גדול בצדק תשפט עמיתך:

אמר אלהי ישראל לי דבר צור ישראל מושל באדם צדיק מושל יראת אלהים:

ויאמר אל השפטים ראו מה אתם עשים כי לא לאדם תשפטו כי ליהוה ועמכם בדבר משפט:

וגם בירושלם העמיד יהושפט מן הלוים והכהנים ומראשי האבות לישראל למשפט יהוה ולריב וישבו ירושלם:

וכל ריב אשר יבוא עליכם מאחיכם הישבים בעריהם בין דם לדם בין תורה למצוה לחקים ולמשפטים והזהרתם אתם ולא יאשמו ליהוה והיה קצף עליכם ועל אחיכם כה תעשון ולא תאשמו:

למנצח אל תשחת לדוד מכתם האמנם אלם צדק תדברון מישרים תשפטו בני אדם:

אל תשפטו למראה עין כי אם משפט צדק שפטו:

עשה משפט יתום ואלמנה ואהב גר לתת לו לחם ושמלה:

ואהבתם את הגר כי גרים הייתם בארץ מצרים:

לא תעשק שכיר עני ואביון מאחיך או מגרך אשר בארצך בשעריך:

וגר לא תונה ולא תלחצנו כי גרים הייתם בארץ מצרים:

וגר לא תלחץ ואתם ידעתם את נפש הגר כי גרים הייתם בארץ מצרים:

משפט אחד יהיה לכם כגר כאזרח יהיה כי אני יהוה אלהיכם: