אהבתי אתכם אמר יהוה ואמרתם במה אהבתנו הלוא אח עשו ליעקב נאם יהוה ואהב את יעקב:

ואת עשו שנאתי ואשים את הריו שממה ואת נחלתו לתנות מדבר:

וירא יהוה כי שנואה לאה ויפתח את רחמה ורחל עקרה:

ותהר עוד ותלד בן ותאמר כי שמע יהוה כי שנואה אנכי ויתן לי גם את זה ותקרא שמו שמעון:

כי תהיין לאיש שתי נשים האחת אהובה והאחת שנואה וילדו לו בנים האהובה והשנואה והיה הבן הבכור לשניאה:

חושך שבטו שונא בנו ואהבו שחרו מוסר:

האהב את אביו ואת אמו יותר ממני איננו כדי לי והאהב את בנו ובתו יותר ממני איננו כדי לי:

איש כי יבוא אלי ולא ישנא את אביו ואת אמו ואת אשתו ואת בניו ואת אחיו ואת אחיתיו ואף גם את נפשו לא יוכל להיות תלמידי:

האהב את נפשו יאבדנה והשנא את נפשו בעולם הזה ינצרה לחיי נצח: