לדוד משכיל אשרי נשוי פשע כסוי חטאה:

אשרי אדם לא יחשב יהוה לו עון ואין ברוחו רמיה:

תשמיעני ששון ושמחה תגלנה עצמות דכית:

הסתר פניך מחטאי וכל עונתי מחה:

נשאת עון עמך כסית כל חטאתם סלה:

אם עונות תשמר יה אדני מי יעמד:

כי עמך הסליחה למען תורא:

נחמו נחמו עמי יאמר אלהיכם:

דברו על לב ירושלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה:

וטהרתים מכל עונם אשר חטאו לי וסלחתי לכול עונותיהם אשר חטאו לי ואשר פשעו בי:

והיתה לי לשם ששון לתהלה ולתפארת לכל גויי הארץ אשר ישמעו את כל הטובה אשר אנכי עשה אתם ופחדו ורגזו על כל הטובה ועל כל השלום אשר אנכי עשה לה:

מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא:

תתן אמת ליעקב חסד לאברהם אשר נשבעת לאבתינו מימי קדם:

והנה הם מביאים אליו איש נכה אברים והוא משכב על המטה ויהי כראות ישוע את אמונתם ויאמר אל נכה האברים חזק בני נסלחו לך חטאתיך:

לכן אני אמר אליך נסלחו לה חטאתיה הרבות כי הרבה אהבה ואשר נסלח לו מעט הוא אהב מעט:

ויחלו המסבים עמו לאמר בלבם מי הוא זה אשר גם יסלח חטאים: