ושאול גם הוא היה רצה בהרגתו ותהי ביום ההוא רדיפה גדולה על הקהלה אשר בירושלים ויפצו כלם בערי יהודה ושמרון לבד מן השליחים:

ועברתם את הירדן וישבתם בארץ אשר יהוה אלהיכם מנחיל אתכם והניח לכם מכל איביכם מסביב וישבתם בטח:

וינח יהוה להם מסביב ככל אשר נשבע לאבותם ולא עמד איש בפניהם מכל איביהם את כל איביהם נתן יהוה בידם:

ותכנע מואב ביום ההוא תחת יד ישראל ותשקט הארץ שמונים שנה:

הנה בן נולד לך הוא יהיה איש מנוחה והנחותי לו מכל אויביו מסביב כי שלמה יהיה שמו ושלום ושקט אתן על ישראל בימיו:

הלא יהוה אלהיכם עמכם והניח לכם מסביב כי נתן בידי את ישבי הארץ ונכבשה הארץ לפני יהוה ולפני עמו:

להשקיט לו מימי רע עד יכרה לרשע שחת:

ברצות יהוה דרכי איש גם אויביו ישלם אתו:

והיה ביום ההוא שרש ישי אשר עמד לנס עמים אליו גוים ידרשו והיתה מנחתו כבוד:

משא דבר יהוה בארץ חדרך ודמשק מנחתו כי ליהוה עין אדם וכל שבטי ישראל:

על כן נשארה עוד מנוחת שבת לעם אלהים:

ועתה נרדפה דרך השלום ודרך הבנות יחד איש מרעהו:

כי עזרי אל אנחנו ואתם שדה אלהים ובנין אלהים אתם:

]11-01[:

מעשה כל איש יגלה כי היום הוא יבררהו כי באש יראה ואת מה מעשה כל איש ואיש האש תבחננו:

ואם ישרף מעשהו יפסידנו והוא יושע אך כמו מצל מאש:

המדבר בלשון בונה את נפשו והמתנבא בונה את העדה:

וחפצתי כי תדברו כלכם בלשנות וביותר כי תתנבאו כי גדול המתנבא מן המדבר בלשנות בלתי אם יפרש למען תבנה העדה:

כן גם אתם בהיותכם מתאוים לכחות רוחניות בקשו להעדיף במה שיבנה את העדה:

ועתה מה לעשות אחי בהקהלכם יחד כל אחד ואחד מכם יש לו מזמור יש לו הוראה יש לו לשון יש לו חזון יש לו באור אך יעשה הכל להבנות:

וגם כי אתהלל יותר מעט על דבר הרשות אשר נתן לנו האדון לבנותכם ולא לשחתכם לא אבוש:

התחשבו עוד כי מתנצלים אנחנו אליכם לא כי לפני האלהים נדבר במשיח וכל זאת חביבי למען תבנו:

ובעבור זאת כתבתי את אלה בהיותי ברחוק למען אשר לא אצטרך בקרבי אליכם לדבר אתכם משפטים לפי הרשות אשר נתנה לי האדון לבנות ולא להרוס:

להשלים את הקדשים למעשה העבודה לבנין גוף המשיח:

אשר ממנו כל הגוף בהיותו מרכב ומדבק בכל חבור השמוש כפי מדת הפעלה הנתונה לכל אבר ואבר ירבה ויגדל להשלמת בנינו באהבה:

כל דבר נבול לא יצא מפיכם כי אם הטוב והמועיל לבנות לפי הצרך למען יתן חן לשמעיו:

על כן נחמו זה את זה ובנו איש את אחיו כאשר גם עשיתם:

ולא ישימו לבם להגדות וללמודי תולדות אין קץ המביאים יותר לשאלות מלבנות בית אלהים באמונה:

ואתם האהובים הבנו באמונתכם הנעלה על כל בקדשתה והתפללו ברוח הקדש:

ויאמר לא טוב הדבר אשר אתם עשים הלוא ביראת אלהינו תלכו מחרפת הגוים אויבינו:

והפחות הראשנים אשר לפני הכבידו על העם ויקחו מהם בלחם ויין אחר כסף שקלים ארבעים גם נעריהם שלטו על העם ואני לא עשיתי כן מפני יראת אלהים:

ויאמר לאדם הן יראת אדני היא חכמה וסור מרע בינה:

הורני יהוה דרכך אהלך באמתך יחד לבבי ליראה שמך:

ראשית חכמה יראת יהוה שכל טוב לכל עשיהם תהלתו עמדת לעד:

יראת יהוה ראשית דעת חכמה ומוסר אוילים בזו:

יראת יהוה שנאת רע גאה וגאון ודרך רע ופי תהפכות שנאתי:

ביראת יהוה מבטח עז ולבניו יהיה מחסה:

יראת יהוה מקור חיים לסור ממקשי מות:

בחסד ואמת יכפר עון וביראת יהוה סור מרע:

אל יקנא לבך בחטאים כי אם ביראת יהוה כל היום:

ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה:

והריחו ביראת יהוה ולא למראה עיניו ישפוט ולא למשמע אזניו יוכיח:

והיה אמונת עתיך חסן ישועת חכמת ודעת יראת יהוה היא אוצרו:

לכן חביבי בהיות לנו ההבטחות האלה נטהרה את עצמנו מכל טמאת בשר ורוח להשלים קדשתנו ביראת אלהים:

הכנעו איש לאחיו ביראת אלהים:

להתהלך כטוב בעיני האדון וככל רצונו ולעשות פרי בכל מעשה טוב ולרבות בדעת אלהים:

ואני אשאלה מאבי והוא יתן לכם פרקליט אחר אשר ישכן אתכם לנצח:

לא אעזבכם יתומים אבואה אליכם:

והתקוה היא לא תביש כי הוצק בלבבנו אהבת אל על ידי רוח הקדש הנתן לנו:

כי מלכות האלהים איננה אכילה ושתיה כי צדקה היא ושלום ושמחה ברוח הקדש:

ואלהי התקוה הוא ימלא אתכם כל שמחה ושלום באמונה למען תעדף תקותכם בגבורת רוח הקדש:

ופרי הרוח אהבה שמחה ושלום ארך רוח ונדיבות וחסד ואמונה:

וענוה ופרישות אין תורה לנגד עשי אלה:

ואשר גם אתם נטועים בו אחרי שמעכם דבר האמת את בשורת ישועתכם ואשר בו כשהאמנתם גם נחתמתם ברוח ההבטחה רוח הקדש:

כי זה ערבון ירשתנו לפדות לו עם סגלה לתהלת כבודו:

והתפללו תמיד בכל עת בתפלה ותחנונים ברוח ושקדו והתאמצו על זאת להעתיר תמיד בעד כל הקדשים:

וגם בעדי למען ינתן לי הדבר בפתחי פי להגיד בבטחון את סוד הבשורה אשר אנכי ציר לה במוסרות:

לכן אם יש תוכחה במשיח אם תנחומות האהבה אם התחברות הרוח אם רחמים וחמלה:

והוא אדנינו ישוע המשיח ואלהינו אבינו אשר אהב אתנו ויתן לנו בחסדו נחמת עולם ותקוה טובה:

הוא ינחם את לבבכם ויכונן אתכם בכל דבר ומעשה טוב:

ויהי דבר האלהים הולך וגדל וירב מספר התלמידים בירושלים עד מאד וגם המון רב מן הכהנים נכנעו אל האמונה:

ודבר אלהים הולך ורב:

ליהודים היתה אורה ושמחה וששן ויקר:

ובכל מדינה ומדינה ובכל עיר ועיר מקום אשר דבר המלך ודתו מגיע שמחה וששון ליהודים משתה ויום טוב ורבים מעמי הארץ מתיהדים כי נפל פחד היהודים עליהם:

כה אמר יהוה צבאות עד אשר יבאו עמים וישבי ערים רבות:

ובאו עמים רבים וגוים עצומים לבקש את יהוה צבאות בירושלם ולחלות את פני יהוה: