ביום ההוא אקים את סכת דויד הנפלת וגדרתי את פרציהן והרסתיו אקים ובניתיה כימי עולם:

למען יירשו את שארית אדום וכל הגוים אשר נקרא שמי עליהם נאם יהוה עשה זאת:

ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוה:

הוא יבנה בית לשמי וכננתי את כסא ממלכתו עד עולם:

וחסדי לא יסור ממנו כאשר הסרתי מעם שאול אשר הסרתי מלפניך:

וירא כל ישראל כי לא שמע המלך אליהם וישבו העם את המלך דבר לאמר מה לנו חלק בדוד ולא נחלה בבן ישי לאהליך ישראל עתה ראה ביתך דוד וילך ישראל לאהליו:

אחת נשבעתי בקדשי אם לדוד אכזב:

כירח יכון עולם ועד בשחק נאמן סלה:

נארתה ברית עבדך חללת לארץ נזרו:

שסהו כל עברי דרך היה חרפה לשכניו:

אף תשיב צור חרבו ולא הקימתו במלחמה:

הקצרת ימי עלומיו העטית עליו בושה סלה:

זכר אני מה חלד על מה שוא בראת כל בני אדם:

איה חסדיך הראשנים אדני נשבעת לדוד באמונתך:

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום:

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת:

הלוא ראית מה העם הזה דברו לאמר שתי המשפחות אשר בחר יהוה בהם וימאסם ואת עמי ינאצון מהיות עוד גוי לפניהם:

גם זרע יעקוב ודוד עבדי אמאס מקחת מזרעו משלים אל זרע אברהם ישחק ויעקב כי אשוב את שבותם ורחמתים:

כה אמר אדני יהוה ולקחתי אני מצמרת הארז הרמה ונתתי מראש ינקותיו רך אקטף ושתלתי אני על הר גבה ותלול:

וידעו כל עצי השדה כי אני יהוה השפלתי עץ גבה הגבהתי עץ שפל הובשתי עץ לח והפרחתי עץ יבש אני יהוה דברתי ועשיתי:

והיה בכל הארץ נאם יהוה פי שנים בה יכרתו יגועו והשלשית יותר בה:

הוא חשב כזאת והנה מלאך יהוה נראה אליו בחלום ויאמר יוסף בן דוד אל תירא מכנוס אליך את מרים אשתך כי אשר הרה בה מרוח הקדש הוא:

ותהי כל זאת למלאת את אשר דבר יהוה ביד הנביא לאמר:

וייקץ יוסף משנתו ויעש כאשר צוהו מלאך יהוה ויקח אליו את אשתו:

והנך הרה וילדת בן וקראת את שמו ישוע:

ועל בית יעקב ימלך לעולם ועד ולמלכותו אין קץ: