אבל תקבלו גבורה בבוא עליכם רוח הקדש והייתם עדי בירושלים ובכל יהודה ובשמרון ועד קצה הארץ:

ויאמר אליו האדון לך כי כלי חפץ הוא לי לשאת את שמי לפני גוים ומלכים ולפני בני ישראל:

ויאמר אלי לך כי אני אל הגיום עד למרחוק אשלחך:

בהצילי אותך מן העם ומן הגוים אשר אשלחך עתה אליהם:

לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים:

לכו ועשו לתלמידים את כל הגוים וטבלתם אתם לשם האב והבן ורוח הקדש:

ויאמר אליהם לכו אל כל העולם וקראו את הבשורה לכל הבריאה:

ואשר תקרא בשמו תשובה וסליחת החטאים בכל הגוים החל מירושלים:

כי המשיח מענה הוא וכי ראשון הוא לקמים מן המתים להפיץ אור בעם ובגוים:

הן עבדי אתמך בו בחירי רצתה נפשי נתתי רוחי עליו משפט לגוים יוציא:

אני יהוה קראתיך בצדק ואחזק בידך ואצרך ואתנך לברית עם לאור גוים:

ויאמר נקל מהיותך לי עבד להקים את שבטי יעקב ונצירי ישראל להשיב ונתתיך לאור גוים להיות ישועתי עד קצה הארץ:

והלכו גוים לאורך ומלכים לנגה זרחך:

אור לגלות עיני הגוים ותפארת ישראל עמך:

שמעון ספר איך האלהים ראה לו בראשונה לקחת מבין הגוים עם לשמו:

אחרי זאת אשוב ואקים את סכת דויד הנפלת והרסותיה אקים ובניתיה:

יזכרו וישבו אל יהוה כל אפסי ארץ וישתחוו לפניך כל משפחות גוים:

אכלו וישתחוו כל דשני ארץ לפניו יכרעו כל יורדי עפר ונפשו לא חיה:

לדעת בארץ דרכך בכל גוים ישועתך:

ישמחו וירננו לאמים כי תשפט עמים מישור ולאמים בארץ תנחם סלה:

ארץ נתנה יבולה יברכנו אלהים אלהינו:

יפרח בימיו צדיק ורב שלום עד בלי ירח:

וירד מים עד ים ומנהר עד אפסי ארץ:

שירו ליהוה שיר חדש שירו ליהוה כל הארץ:

שירו ליהוה ברכו שמו בשרו מיום ליום ישועתו:

הודיע יהוה ישועתו לעיני הגוים גלה צדקתו:

זכר חסדו ואמונתו לבית ישראל ראו כל אפסי ארץ את ישועת אלהינו:

הללו את יהוה כל גוים שבחוהו כל האמים:

כי גבר עלינו חסדו ואמת יהוה לעולם הללו יה:

הדבר אשר חזה ישעיהו בן אמוץ על יהודה וירושלם:

והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושלם:

כי כה יהיה בקרב הארץ בתוך העמים כנקף זית כעוללת אם כלה בציר:

על כן בארים כבדו יהוה באיי הים שם יהוה אלהי ישראל:

הראשנות הנה באו וחדשות אני מגיד בטרם תצמחנה אשמיע אתכם:

ישאו מדבר ועריו חצרים תשב קדר ירנו ישבי סלע מראש הרים יצוחו:

פנו אלי והושעו כל אפסי ארץ כי אני אל ואין עוד:

חשף יהוה את זרוע קדשו לעיני כל הגוים וראו כל אפסי ארץ את ישועת אלהינו:

וייראו ממערב את שם יהוה וממזרח שמש את כבודו כי יבוא כנהר צר רוח יהוה נססה בו:

ובא לציון גואל ולשבי פשע ביעקב נאם יהוה:

יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שקר נחלו אבותינו הבל ואין בם מועיל:

והיה מספר בני ישראל כחול הים אשר לא ימד ולא יספר והיה במקום אשר יאמר להם לא עמי אתם יאמר להם בני אל חי:

למען יירשו את שארית אדום וכל הגוים אשר נקרא שמי עליהם נאם יהוה עשה זאת:

והלכו גוים רבים ואמרו לכו ונעלה אל הר יהוה ואל בית אלהי יעקב ויורנו מדרכיו ונלכה בארחתיו כי מציון תצא תורה ודבר יהוה מירושלם:

ושפט בין עמים רבים והוכיח לגוים עצמים עד רחוק וכתתו חרבתיהם לאתים וחניתתיהם למזמרות לא ישאו גוי אל גוי חרב ולא ילמדון עוד מלחמה:

והיה שארית יעקב בקרב עמים רבים כטל מאת יהוה כרביבים עלי עשב אשר לא יקוה לאיש ולא ייחל לבני אדם:

כי אז אהפך אל עמים שפה ברורה לקרא כלם בשם יהוה לעבדו שכם אחד:

מעבר לנהרי כוש עתרי בת פוצי יובלון מנחתי:

ונלוו גוים רבים אל יהוה ביום ההוא והיו לי לעם ושכנתי בתוכך וידעת כי יהוה צבאות שלחני אליך:

כה אמר יהוה צבאות עד אשר יבאו עמים וישבי ערים רבות:

ובאו עמים רבים וגוים עצומים לבקש את יהוה צבאות בירושלם ולחלות את פני יהוה:

כי ממזרח שמש ועד מבואו גדול שמי בגוים ובכל מקום מקטר מגש לשמי ומנחה טהורה כי גדול שמי בגוים אמר יהוה צבאות: