הנה יד יהוה הויה במקנך אשר בשדה בסוסים בחמרים בגמלים בבקר ובצאן דבר כבד מאד:

ותכבד יד יהוה אל האשדודים וישמם ויך אתם בעפלים את אשדוד ואת גבוליה:

ויהי אחרי הסבו אתו ותהי יד יהוה בעיר מהומה גדולה מאד ויך את אנשי העיר מקטן ועד גדול וישתרו להם עפלים:

וישלחו ויאספו את כל סרני פלשתים ויאמרו שלחו את ארון אלהי ישראל וישב למקמו ולא ימית אתי ואת עמי כי היתה מהומת מות בכל העיר כבדה מאד יד האלהים שם:

חנני חנני אתם רעי כי יד אלוה נגעה בי:

כי יומם ולילה תכבד עלי ידך נהפך לשדי בחרבני קיץ סלה:

כי חציך נחתו בי ותנחת עלי ידך:

הסר מעלי נגעך מתגרת ידך אני כליתי:

בתוכחות על עון יסרת איש ותמס כעש חמודו אך הבל כל אדם סלה:

ויקם שאול מן הארץ ובפתחו את עיניו לא ראה איש ויחזיקו בידו ויוליכהו לדמשק:

ויחשכו עיניו מראות שלשת ימים ולא אכל ולא שתה:

וילך חנניה ויבא הביתה וישם את ידיו עליו ויאמר שאול אחי האדון ישוע הנראה אליך בדרך אשר באת בה שלחני למען תשוב ותראה ותמלא רוח הקדש:

ואת האנשים אשר פתח הבית הכו בסנורים מקטן ועד גדול וילאו למצא הפתח:

ומלך ארם היה נלחם בישראל ויועץ אל עבדיו לאמר אל מקום פלני אלמני תחנתי:

כי נסך עליכם יהוה רוח תרדמה ויעצם את עיניכם את הנביאים ואת ראשיכם החזים כסה:

ויאמר ישוע אני לדין באתי לעולם הזה למען יראו העורים והראים יכו בעורון:

ועתה מה הוא את אשר בקש ישראל לא השיג רק הנבחרים הם השיגו והנשארים השמינו לבבם:

ודוד הוא אמר יהי שלחנם לפח ולרשת ולמוקש ולשלומים להם:

בארות בלי מים המה עבים נדפים בסערה אשר שמור להם חשך אפלה לעולם: