והיה מיום אשר יקום בעל הבית וסגר את הדלת ותחלו לעמד בחוץ ולדפק על הדלת לאמר אדנינו אדנינו פתח לנו וענה ואמר אליכם אינני יודע אתכם מאין אתם:

ויאמר אני אמר לכם אינני יודע אתכם מאין אתם סורו ממני כל פעלי האון:

בן יכבד אב ועבד אדניו ואם אב אני איה כבודי ואם אדונים אני איה מוראי אמר יהוה צבאות לכם הכהנים בוזי שמי ואמרתם במה בזינו את שמך:

לא כל האמר לי אדני אדני יבוא אל מלכות השמים כי אם העשה רצון אבי שבשמים:

אז אענה בם לאמר מעולם לא ידעתי אתכם סורו ממני פעלי האון:

ואחרי כן באו גם שאר העלמות ותאמרנה אדנינו אדנינו פתח לנו:

ויגש גם הלקח את הככר האחת ויאמר אדני ידעתיך כי איש קשה אתה קצר באשר לא זרעת וכנס מאשר לא פזרת:

וענו גם הם ואמרו אדנינו מתי ראינוך רעב או צמא או גר או ערום או חולה או במשמר ולא שרתנוך:

אתם קראים לי רב ואדון והיטבתם אשר דברתם כי אני הוא:

כי מופת נתתי לכם למען תעשו גם אתם כאשר עשיתי לכם:

אם ידעתם זאת אשריכם אם כן תעשו:

אל תתעו לא יתן אלהים להתל בו כי מה שזרע האדם אתו יקצר: