אבל את איבי ההם אשר לא חפצו מלכי עליהם הביאו אתם הנה והרגו אתם לפני:

למה רגשו גוים ולאמים יהגו ריק:

ננתקה את מוסרותימו ונשליכה ממנו עבתימו:

אז ידבר אלימו באפו ובחרונו יבהלמו:

אספרה אל חק יהוה אמר אלי בני אתה אני היום ילדתיך:

תרעם בשבט ברזל ככלי יוצר תנפצם:

תמצא ידך לכל איביך ימינך תמצא שנאיך:

פרימו מארץ תאבד וזרעם מבני אדם:

כי תשיתמו שכם במיתריך תכונן על פניהם:

לפניו יכרעו ציים ואיביו עפר ילחכו:

תחת אהבתי ישטנוני ואני תפלה:

הפקד עליו רשע ושטן יעמד על ימינו:

יהיו ימיו מעטים פקדתו יקח אחר:

ונוע ינועו בניו ושאלו ודרשו מחרבותיהם:

אל יהי לו משך חסד ואל יהי חונן ליתומיו:

יזכר עון אבתיו אל יהוה וחטאת אמו אל תמח:

יען אשר לא זכר עשות חסד וירדף איש עני ואביון ונכאה לבב למותת:

וילבש קללה כמדו ותבא כמים בקרבו וכשמן בעצמותיו:

זאת פעלת שטני מאת יהוה והדברים רע על נפשי:

אדני על ימינך מחץ ביום אפו מלכים:

ידין בגוים מלא גויות מחץ ראש על ארץ רבה:

וצבאות השמים יצאים אחריו על סוסים לבנים מלבשים בגדי בוץ לבן וטהור:

ועל בגדו ועל ירכו כתוב שם מלך המלכים ואדני האדנים:

ואכלתם בשר מלכים ובשר שרי אלפים ובשר גבורים ובשר סוסים ורכביהם ובשר כל בני חורים ועבדים הקטנים עם הגדולים:

ותתפש החיה ונביא השקר אתה אשר עשה האותות לפניה אשר הדיח בהן את נשאי תו החיה והמשתחוים לצלמה וחיים השלכו שניהם באגם האש הבער בגפרית: