26
והיא סבלה הרבה תחת ידי רפאים רבים והוציאה את כל אשר לה ולא להועיל ויהי חליה חזק מאד:
27
ויהי כשמעה את שמע ישוע ותבוא בהמון העם מאחריו ותגע בבגדו:
28
כי אמרה רק אם אגע בבגדיו אושע:
29
וייבש מקור דמיה פתאם ותבן בבשרה כי נרפא נגעה:
30
וברגע ידע ישוע בנפשו כי גבורה יצאה ממנו ויפן בתוך העם ויאמר מי נגע בבגדי:
31
ויאמר אליו תלמידיו אתה ראה את ההמון דוחק אתך ואמרת מי נגע בי:
32
ויבט סביב לראות את אשר עשתה זאת:
33
ותירא האשה ותחרד כי ידעה את אשר נעשה לה ותבא ותפל לפניו ותגד לו את האמת כלה:
