למען אספרה כל תהלתיך בשערי בת ציון אגילה בישועתך:

צהלי ורני יושבת ציון כי גדול בקרבך קדוש ישראל:

על הר גבה עלי לך מבשרת ציון הרימי בכח קולך מבשרת ירושלם הרימי אל תיראי אמרי לערי יהודה הנה אלהיכם:

הנה יהוה השמיע אל קצה הארץ אמרו לבת ציון הנה ישעך בא הנה שכרו אתו ופעלתו לפניו:

רני בת ציון הריעו ישראל שמחי ועלזי בכל לב בת ירושלם:

הסיר יהוה משפטיך פנה איבך מלך ישראל יהוה בקרבך לא תיראי רע עוד:

וילכו וימצאו העיר אסור אל השער בחוץ על אם הדרך ויתירוהו:

ויאמרו אליהם כאשר צום ישוע ויניחו להם:

ורבים פרשו את בגדיהם על הדרך ואחרים כרתו ענפים מן העצים וישטחו על הדרך:

ברוכה מלכות דוד אבינו הבאה בשם יהוה הושע נא במרומים:

איה מלך היהודים הנולד כי ראינו את כוכבו במזרח ונבא להשתחות לו:

ואתה בית לחם ארץ יהודה אינך צעיר באלפי יהודה כי ממך יצא מושל אשר ירעה את עמי ישראל:

לא יסור שבט מיהודה ומחקק מבין רגליו עד כי יבא שילה ולו יקהת עמים:

וירד מיעקב והאביד שריד מעיר:

ואני נסכתי מלכי על ציון הר קדשי:

שאל ממני ואתנה גוים נחלתך ואחזתך אפסי ארץ:

ועתה מלכים השכילו הוסרו שפטי ארץ:

נשקו בר פן יאנף ותאבדו דרך כי יבער כמעט אפו אשרי כל חוסי בו:

למנצח על ששנים לבני קרח משכיל שיר ידידת רחש לבי דבר טוב אמר אני מעשי למלך לשוני עט סופר מהיר:

חגור חרבך על ירך גבור הודך והדרך:

חציך שנונים עמים תחתיך יפלו בלב אויבי המלך:

אהבת צדק ותשנא רשע על כן משחך אלהים אלהיך שמן ששון מחבריך:

בנות מלכים ביקרותיך נצבה שגל לימינך בכתם אופיר:

ויתאו המלך יפיך כי הוא אדניך והשתחוי לו:

כל כבודה בת מלך פנימה ממשבצות זהב לבושה:

תובלנה בשמחת וגיל תבאינה בהיכל מלך:

אזכירה שמך בכל דר ודר על כן עמים יהודך לעלם ועד:

לשלמה אלהים משפטיך למלך תן וצדקתך לבן מלך:

ישאו הרים שלום לעם וגבעות בצדקה:

ייראוך עם שמש ולפני ירח דור דורים:

יפרח בימיו צדיק ורב שלום עד בלי ירח:

לפניו יכרעו ציים ואיביו עפר ילחכו:

וישתחוו לו כל מלכים כל גוים יעבדוהו:

יחס על דל ואביון ונפשות אביונים יושיע:

ויחי ויתן לו מזהב שבא ויתפלל בעדו תמיד כל היום יברכנהו:

יהי שמו לעולם לפני שמש ינין שמו ויתברכו בו כל גוים יאשרוהו:

וברוך שם כבודו לעולם וימלא כבודו את כל הארץ אמן ואמן:

לדוד מזמור נאם יהוה לאדני שב לימיני עד אשית איביך הדם לרגליך:

עמך נדבת ביום חילך בהדרי קדש מרחם משחר לך טל ילדתיך:

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום:

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת:

הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ:

בימיו תושע יהודה וישראל ישכן לבטח וזה שמו אשר יקראו יהוה צדקנו:

ואני יהוה אהיה להם לאלהים ועבדי דוד נשיא בתוכם אני יהוה דברתי:

ועבדי דוד מלך עליהם ורועה אחד יהיה לכלם ובמשפטי ילכו וחקתי ישמרו ועשו אותם:

וביומיהון די מלכיא אנון יקים אלה שמיא מלכו די לעלמין לא תתחבל ומלכותה לעם אחרן לא תשתבק תדק ותסיף כל אלין מלכותא והיא תקום לעלמיא:

כל קבל די חזית די מטורא אתגזרת אבן די לא בידין והדקת פרזלא נחשא חספא כספא ודהבא אלה רב הודע למלכא מה די להוא אחרי דנה ויציב חלמא ומהימן פשרה:

חזה הוית בחזוי ליליא וארו עם ענני שמיא כבר אנש אתה הוה ועד עתיק יומיא מטה וקדמוהי הקרבוהי:

ולה יהיב שלטן ויקר ומלכו וכל עממיא אמיא ולשניא לה יפלחון שלטנה שלטן עלם די לא יעדה ומלכותה די לא תתחבל:

ואתה בית לחם אפרתה צעיר להיות באלפי יהודה ממך לי יצא להיות מושל בישראל ומוצאתיו מקדם מימי עולם:

ואמרת אליו לאמר כה אמר יהוה צבאות לאמר הנה איש צמח שמו ומתחתיו יצמח ובנה את היכל יהוה:

והוא יבנה את היכל יהוה והוא ישא הוד וישב ומשל על כסאו והיה כהן על כסאו ועצת שלום תהיה בין שניהם:

ויען נתנאל ויאמר אליו רבי אתה בן אלהים אתה הוא מלך ישראל:

ויאמר אליהם פילטוס הצלב אצלב את מלככם ויענו ראשי הכהנים אין לנו מלך כי אם הקיסר:

וישא את צלבו ויצא אל המקום הנקרא מקום הגלגלת ובלשונם גלגלתא:

ופילטוס כתב על לוח וישם על הצלב וזה מכתבו ישוע הנצרי מלך היהודים:

ויאמרו ראשי כהני היהודים אל פילטוס אל נא תכתב מלך היהודים כי אם אשר אמר אני מלך היהודים:

קבלו עליכם את עלי ולמדו ממני כי ענו ושפל רוח אנכי ותמצאו מרגוע לנפשתיכם:

לא יצעק ולא ישא ולא ישמע בחוץ קולו:

קנה רצוץ לא ישבור ופשתה כהה לא יכבנה עד יוציא לנצח משפט:

ואני פולוס הנני מזהיר אתכם בענות המשיח וחמלתו אשר פנים בפנים שפל אני בתוככם וברחקי מתאמץ עליכון:

ולא תעשו דבר בדרך מריבה או כבוד שוא כי אם בשפלות רוח תחשבו איש את רעהו יותר מעצמו:

כי הרוח ההיא אשר היתה במשיח תהי גם בכם:

רק לא ירבה לו סוסים ולא ישיב את העם מצרימה למען הרבות סוס ויהוה אמר לכם לא תספון לשוב בדרך הזה עוד:

רכבי אתנות צחרות ישבי על מדין והלכי על דרך שיחו:

ויהי לו ארבעים בנים ושלשים בני בנים רכבים על שבעים עירם וישפט את ישראל שמנה שנים:

ויאמר המלך אל ציבא מה אלה לך ויאמר ציבא החמורים לבית המלך לרכב ולהלחם והקיץ לאכול הנערים והיין לשתות היעף במדבר:

ויאמר המלך להם קחו עמכם את עבדי אדניכם והרכבתם את שלמה בני על הפרדה אשר לי והורדתם אתו אל גחון:

ויאסף שלמה רכב ופרשים ויהי לו אלף וארבע מאות רכב ושנים עשר אלף פרשים וינחם בערי הרכב ועם המלך בירושלם:

ואת בית יהודה ארחם והושעתים ביהוה אלהיהם ולא אושיעם בקשת ובחרב ובמלחמה בסוסים ובפרשים:

והיה ביום ההוא נאם יהוה והכרתי סוסיך מקרבך והאבדתי מרכבתיך:

והכרתי ערי ארצך והרסתי כל מבצריך:

והכרתי רכב מאפרים וסוס מירושלם ונכרתה קשת מלחמה ודבר שלום לגוים ומשלו מים עד ים ומנהר עד אפסי ארץ: