עזוב תעזב שם את קרבנך לפני המזבח וקדם ללכת לכפר פני אחיך ואחרי כן בוא הקרב את קרבנך:

וכל אשר תשאלו בתפלה ואתם מאמינים תקחהו:

על כן אני אמר לכם כל אשר תשאלו בהתפללכם האמינו כי תקחו ויהי לכם:

והיה אם תעמדו בי ודברי יהיו בכם ככל חפצכם תשאלו ויעשה לכם:

לא אתם בחרתם בי כי אם אנכי בחרתי בכם והפקדתי אתכם ללכת ולעשות פרי ופריכם יקום והיה כל אשר תשאלו מאבי בשמי יתן לכם:

כל אלה היו שקדים יחדו בלב אחד להתפלל ולהתחנן ועמהם הנשים ומרים אם ישוע וגם אחיו:

וביום מלאת שבעת השבעות ויתאספו כלם לב אחד:

ויהי פתאם קול רעש מן השמים כקול רוח סערה וימלא את כל הבית אשר ישבו בו:

ויהי כאשר שמעו את זאת וישאו את קולם בלב אחד לאלהים ויאמרו אדני אתה האל העשה את השמים ואת הארץ ואת הים ואת כל אשר בם:

יתיצבו מלכי ארץ ורוזנים נוסדו יחד על יהוה ועל משיחו:

לעשות את אשר ידך ועצתך מקדם גזרה להיות:

בנטתך את ידך למרפא ולתת אתות ומופתים בשם ישוע עבדך הקדוש:

ואנחנו נשקד על התפלה ועל שמוש הדבר:

פטרוס היה עצור במשמר והקהלה העתירה בעדו בחזקה אל האלהים:

והתפללו תמיד בכל עת בתפלה ותחנונים ברוח ושקדו והתאמצו על זאת להעתיר תמיד בעד כל הקדשים:

למען אדבר בה בבטחה כאשר מטל עלי לדבר:

כי יודע אני שתהיה לי זאת לישועה בתפלתכם ובעזרת רוח ישוע המשיח:

איש כי יחלה בכם יקרא את זקני הקהלה ויתפללו בעדו ויסוכהו שמן בשם יהוה:

התודו עונותיכם איש לפני רעהו והתפללו איש בעד רעהו למען תרפאו כי גדול כח תפלת הצדיק הקרא אל אלהים בחזקה:

וכל אשר נשאל מאתו נקבל כי נשמר את מצותיו ונעשה את הרצוי לפניו:

וזה הוא בטחוננו אליו אשר אם נשאל דבר כפי רצונו ישמענו:

איש כי יראה את אחיו חוטא חטאת אשר לא למות שאל ישאל בעדו ויתן לו חיים לכל אשר חטאו לא למות הן יש חטא למות על זה לא אמר לשאל בעדו:

אלה הם שני הזיתים ושתי המנרות העמדים לפני אלהי הארץ:

ולהם השלטן לעצר את השמים ולא יהיה מטר בימי נבואתם וישלטו על המים להפכם לדם ועל הארץ להכתה בכל נגע מדי יחפצו:

וכל אשר תשאלו בשמי אעשנו למען יכבד האב בבנו:

כי תשאלו דבר בשמי אני אעשנו:

וביום ההוא לא תשאלוני דבר אמן אמן אני אמר לכם כי כל אשר תשאלו מאת אבי בשמי יתננו לכם: