ויהי בעת לדתה והנה תאומים בבטנה:

ויהי כמשיב ידו והנה יצא אחיו ותאמר מה פרצת עליך פרץ ויקרא שמו פרץ:

ואחר יצא אחיו אשר על ידו השני ויקרא שמו זרח:

ובני יהודה ער ואונן ושלה ופרץ וזרח וימת ער ואונן בארץ כנען ויהיו בני פרץ חצרון וחמול:

ויהיו בני יהודה למשפחתם לשלה משפחת השלני לפרץ משפחת הפרצי לזרח משפחת הזרחי:

ויהיו בני פרץ לחצרן משפחת החצרני לחמול משפחת החמולי:

בני יהודה ער ואונן ושלה שלושה נולד לו מבת שוע הכנענית ויהי ער בכור יהודה רע בעיני יהוה וימיתהו:

ותמר כלתו ילדה לו את פרץ ואת זרח כל בני יהודה חמשה:

ומן בני זרח יעואל ואחיהם שש מאות ותשעים:

ויקח יהודה אשה לער בכורו ושמה תמר:

ויאמר יהודה לתמר כלתו שבי אלמנה בית אביך עד יגדל שלה בני כי אמר פן ימות גם הוא כאחיו ותלך תמר ותשב בית אביה:

ויהי כמשלש חדשים ויגד ליהודה לאמר זנתה תמר כלתך וגם הנה הרה לזנונים ויאמר יהודה הוציאוה ותשרף:

ויכר יהודה ויאמר צדקה ממני כי על כן לא נתתיה לשלה בני ולא יסף עוד לדעתה:

ובני יהודה ער ואונן ושלה ופרץ וזרח וימת ער ואונן בארץ כנען ויהיו בני פרץ חצרון וחמול:

ויהיו בני פרץ לחצרן משפחת החצרני לחמול משפחת החמולי:

ואלה תולדות פרץ פרץ הוליד את חצרון:

בני פרץ חצרון וחמול:

בני יהודה פרץ חצרון וכרמי וחור ושובל:

בן עמינדב בן ארם בן חצרון בן פרץ בן יהודה:

וחצרון הוליד את רם ורם הוליד את עמינדב:

ובני חצרון אשר נולד לו את ירחמאל ואת רם ואת כלובי: