Almeida Corrigida Fiel

Números 1:4-16

ואתכם יהיו איש איש למטה איש ראש לבית אבתיו הוא:

ואלה שמות האנשים אשר יעמדו אתכם לראובן אליצור בן שדיאור:

לשמעון שלמיאל בן צורישדי:

ליהודה נחשון בן עמינדב:

ליששכר נתנאל בן צוער:

לזבולן אליאב בן חלן:

לבני יוסף לאפרים אלישמע בן עמיהוד למנשה גמליאל בן פדהצור:

לבנימן אבידן בן גדעני:

לדן אחיעזר בן עמישדי:

לאשר פגעיאל בן עכרן:

לגד אליסף בן דעואל:

לנפתלי אחירע בן עינן:

אלה קריאי העדה נשיאי מטות אבותם ראשי אלפי ישראל הם:

Números 7:2

ויקריבו נשיאי ישראל ראשי בית אבתם הם נשיאי המטת הם העמדים על הפקדים:

Números 34:17-28

אלה שמות האנשים אשר ינחלו לכם את הארץ אלעזר הכהן ויהושע בן נון:

ונשיא אחד נשיא אחד ממטה תקחו לנחל את הארץ:

ואלה שמות האנשים למטה יהודה כלב בן יפנה:

ולמטה בני שמעון שמואל בן עמיהוד:

למטה בנימן אלידד בן כסלון:

ולמטה בני דן נשיא בקי בן יגלי:

לבני יוסף למטה בני מנשה נשיא חניאל בן אפד:

ולמטה בני אפרים נשיא קמואל בן שפטן:

ולמטה בני זבולן נשיא אליצפן בן פרנך:

ולמטה בני יששכר נשיא פלטיאל בן עזן:

ולמטה בני אשר נשיא אחיהוד בן שלמי:

ולמטה בני נפתלי נשיא פדהאל בן עמיהוד:

Éxodo 18:25

ויבחר משה אנשי חיל מכל ישראל ויתן אתם ראשים על העם שרי אלפים שרי מאות שרי חמשים ושרי עשרת:

Deuteronomio 1:13-17

הבו לכם אנשים חכמים ונבנים וידעים לשבטיכם ואשימם בראשיכם:

ותענו אתי ותאמרו טוב הדבר אשר דברת לעשות:

ואקח את ראשי שבטיכם אנשים חכמים וידעים ואתן אתם ראשים עליכם שרי אלפים ושרי מאות ושרי חמשים ושרי עשרת ושטרים לשבטיכם:

ואצוה את שפטיכם בעת ההוא לאמר שמע בין אחיכם ושפטתם צדק בין איש ובין אחיו ובין גרו:

לא תכירו פנים במשפט כקטן כגדל תשמעון לא תגורו מפני איש כי המשפט לאלהים הוא והדבר אשר יקשה מכם תקרבון אלי ושמעתיו: