וזה אשר תעשה על המזבח כבשים בני שנה שנים ליום תמיד:

את הכבש האחד תעשה בבקר ואת הכבש השני תעשה בין הערבים:

צו את אהרן ואת בניו לאמר זאת תורת העלה הוא העלה על מוקדה על המזבח כל הלילה עד הבקר ואש המזבח תוקד בו:

וכבש בן שנתו תמים תעשה עולה ליום ליהוה בבקר בבקר תעשה אתו:

ועשו את הכבש ואת המנחה ואת השמן בבקר בבקר עולת תמיד:

ויהי ממחרת וירא יוחנן את ישוע בא אליו ויאמר הנה שה האלהים הנשא חטאת העולם:

כי אם בדם יקר של שה תמים ומום אין בו בדם המשיח:

הנודע מראש לפני מוסדות תבל ונגלה באחרית הימים למענכם:

וישתחוו לה כל ישבי הארץ אשר לא נכתבו שמותם בספר החיים אשר לשה הטבוח מיום הוסד תבל:

ואשמעה אחד קדוש מדבר ויאמר אחד קדוש לפלמוני המדבר עד מתי החזון התמיד והפשע שמם תת וקדש וצבא מרמס:

וזרעים ממנו יעמדו וחללו המקדש המעוז והסירו התמיד ונתנו השקוץ משומם:

ומעת הוסר התמיד ולתת שקוץ שמם ימים אלף מאתים ותשעים: