אז ישיר משה ובני ישראל את השירה הזאת ליהוה ויאמרו לאמר אשירה ליהוה כי גאה גאה סוס ורכבו רמה בים:

עזי וזמרת יה ויהי לי לישועה זה אלי ואנוהו אלהי אבי וארממנהו:

ותשר דבורה וברק בן אבינעם ביום ההוא לאמר:

שירו לו זמרו לו שיחו בכל נפלאותיו:

ויאמינו בדבריו ישירו תהלתו:

ואמרת ביום ההוא אודך יהוה כי אנפת בי ישב אפך ותנחמני:

הנה אל ישועתי אבטח ולא אפחד כי עזי וזמרת יה יהוה ויהי לי לישועה:

זמרו יהוה כי גאות עשה מידעת זאת בכל הארץ:

כי יצר לאיש בכם הוא יתפלל ואשר ייטב לבו הוא יזמר: