כי שמרתי דרכי יהוה ולא רשעתי מאלהי:

ממשפטיך לא סרתי כי אתה הורתני:

סורו מני דרך הטו מני ארח השביתו מפנינו את קדוש ישראל:

פשע וכחש ביהוה ונסוג מאחר אלהינו דבר עשק וסרה הרו והגו מלב דברי שקר:

כה אמר יהוה ארור הגבר אשר יבטח באדם ושם בשר זרעו ומן יהוה יסור לבו:

מקוה ישראל יהוה כל עזביך יבשו יסורי בארץ יכתבו כי עזבו מקור מים חיים את יהוה:

כי אם הלוים אשר רחקו מעלי בתעות ישראל אשר תעו מעלי אחרי גלוליהם ונשאו עונם:

חטאנו ועוינו והרשענו ומרדנו וסור ממצותך וממשפטיך:

ולא שמענו אל עבדיך הנביאים אשר דברו בשמך אל מלכינו שרינו ואבתינו ואל כל עם הארץ:

ראו עתה אחי פן יש באחד מכם לב רע וחסר אמונה לסור מאלהים חיים:

וגם אני נתתי אתכם נבזים ושפלים לכל העם כפי אשר אינכם שמרים את דרכי ונשאים פנים בתורה:

ותהי חטאת הנערים גדולה מאד את פני יהוה כי נאצו האנשים את מנחת יהוה:

אל בני כי לוא טובה השמעה אשר אנכי שמע מעברים עם יהוה:

לכן נאם יהוה אלהי ישראל אמור אמרתי ביתך ובית אביך יתהלכו לפני עד עולם ועתה נאם יהוה חלילה לי כי מכבדי אכבד ובזי יקלו:

ויהיו מאשרי העם הזה מתעים ומאשריו מבלעים:

כי שכחני עמי לשוא יקטרו ויכשלום בדרכיהם שבילי עולם ללכת נתיבות דרך לא סלולה:

כי גם נביא גם כהן חנפו גם בביתי מצאתי רעתם נאם יהוה:

ובנביאי שמרון ראיתי תפלה הנבאו בבעל ויתעו את עמי את ישראל:

לכן כה אמר יהוה צבאות על הנבאים הנני מאכיל אותם לענה והשקתים מי ראש כי מאת נביאי ירושלם יצאה חנפה לכל הארץ:

ויאמרו מדוע תלמידיך עברים את קבלת הזקנים כי אינם רחצים את ידיהם באכלם לחם:

כי אלהים צוה לאמר כבד את אביך ואת אמך ומקלל אביו ואמו מות יומת:

ויען אחד מבעלי התורה ויאמר אליו רבי בדבריך אלה תחרף גם אתנו:

ויאמר אוי גם לכם בעלי התורה כי עמסים אתם על בני האדם משאות כבדים מסבל ואתם בעצמכם אינכם נגעים במשאות גם באחת מאצבעותיכם:

ובטחת בנפשך להיות מוליך העורים ואור להלכים בחשך:

ואתה אשר תורה אחרים את נפשך לא תורה אמרת לא תגנב והנך גנב:

תתהלל בתורה ותנבל את האלהים בעברך את התורה:

טוב שלא תאכל בשר ולא תשתה יין ולא תעשה דבר אשר יתנגף בו אחיך או יכשל או יחלש:

בריתי היתה אתו החיים והשלום ואתנם לו מורא וייראני ומפני שמי נחת הוא:

הלוא אב אחד לכלנו הלוא אל אחד בראנו מדוע נבגד איש באחיו לחלל ברית אבתינו:

ולא יחלל זרעו בעמיו כי אני יהוה מקדשו:

זכרה להם אלהי על גאלי הכהנה וברית הכהנה והלוים: