ויברא אלהים את האדם בצלמו בצלם אלהים ברא אתו זכר ונקבה ברא אתם:

ויקרא האדם שמות לכל הבהמה ולעוף השמים ולכל חית השדה ולאדם לא מצא עזר כנגדו:

ויבן יהוה אלהים את הצלע אשר לקח מן האדם לאשה ויבאה אל האדם:

על כן יעזב איש את אביו ואת אמו ודבק באשתו והיו לבשר אחד:

ויען ויאמר אליהם הלא קראתם כי עשה בראשית זכר ונקבה עשה אתם:

אם כן אינם עוד שנים כי אם בשר אחד לכן את אשר חבר האלהים אל יפרידנו האדם:

אבל מראשית הבריאה זכר ונקבה עשה אתם אלהים:

והיו שניהם לבשר אחד ואם כן אפוא אינם עוד שנים כי אם בשר אחד:

אך מפני הזנות תהי לכל איש אשתו ויהי לכל אשה בעלה:

וייצר יהוה אלהים את האדם עפר מן האדמה ויפח באפיו נשמת חיים ויהי האדם לנפש חיה:

כי כל עוד נשמתי בי ורוח אלוה באפי:

וישב העפר על הארץ כשהיה והרוח תשוב אל האלהים אשר נתנה:

ויהי בדברו זאת ויפח בהם ויאמר אליהם קחו לכם את רוח הקדש:

ואשביעך ביהוה אלהי השמים ואלהי הארץ אשר לא תקח אשה לבני מבנות הכנעני אשר אנכי יושב בקרבו:

ויאמר אליו העבד אולי לא תאבה האשה ללכת אחרי אל הארץ הזאת ההשב אשיב את בנך אל הארץ אשר יצאת משם:

יהוה אלהי השמים אשר לקחני מבית אבי ומארץ מולדתי ואשר דבר לי ואשר נשבע לי לאמר לזרעך אתן את הארץ הזאת הוא ישלח מלאכו לפניך ולקחת אשה לבני משם:

ויהי עשו בן ארבעים שנה ויקח אשה את יהודית בת בארי החתי ואת בשמת בת אילן החתי:

ותהיין מרת רוח ליצחק ולרבקה:

ותאמר רבקה אל יצחק קצתי בחיי מפני בנות חת אם לקח יעקב אשה מבנות חת כאלה מבנות הארץ למה לי חיים:

קום לך פדנה ארם ביתה בתואל אבי אמך וקח לך משם אשה מבנות לבן אחי אמך:

ויתן לך את ברכת אברהם לך ולזרעך אתך לרשתך את ארץ מגריך אשר נתן אלהים לאברהם:

כי יסיר את בנך מאחרי ועבדו אלהים אחרים וחרה אף יהוה בכם והשמידך מהר:

ואלי יאספו כל חרד בדברי אלהי ישראל על מעל הגולה ואני ישב משומם עד למנחת הערב:

ובניהם חצי מדבר אשדודית ואינם מכירים לדבר יהודית וכלשון עם ועם:

ואנכי נטעתיך שרק כלה זרע אמת ואיך נהפכת לי סורי הגפן נכריה:

כי האיש אשר איננו מאמין מקדש הוא באשה והאשה אשר איננה מאמנת מקדשת היא באיש שאם לא כן יהיו בניכם טמאים אמנם עתה קדושים המה:

ואתם האבות אל תכעיסו את בניכם אך גדלום במוסר אדנינו ובתוכחתו:

ויהי מנהיג את ביתו בטוב ומדריך את בניו למשמעתו בכל הישר:

כי אם לא ידע איש להנהיג את ביתו איככה יוכל לדאג לעדת אלהים:

וככה הנשים תהיינה ישרות ולא מלשינות משלות ברוחן ונאמנות בכל:

השמשים יהיו כל אחד בעל אשה אחת ומנהלים בטוב את בניהם ואת בתיהם:

אם ימצא איש תם ובעל אשה אחת ויש לו בנים מאמינים ואין עליהם טענת פריצות ואינם סוררים:

ויראו בני האלהים את בנות האדם כי טבת הנה ויקחו להם נשים מכל אשר בחרו:

והיה מספר בני ישראל כחול הים אשר לא ימד ולא יספר והיה במקום אשר יאמר להם לא עמי אתם יאמר להם בני אל חי:

אתם בני הנביאים ובני הברית אשר כרת האלהים עם אבותינו באמרו אל אברהם ונברכו בזרעך כל משפחות האדמה:

והייתי לכם לאב ואתם תהיו לי לבנים ולבנות נאם יהוה צבאות:

ואמרתם על מה על כי יהוה העיד בינך ובין אשת נעוריך אשר אתה בגדתה בה והיא חברתך ואשת בריתך:

מכל משמר נצר לבך כי ממנו תוצאות חיים:

אל תחמד יפיה בלבבך ואל תקחך בעפעפיה:

אל ישט אל דרכיה לבך אל תתע בנתיבותיה:

אבל אני אמר לכם כל אשר יביט באשה לחמד אותה נאף נאפה בלבו:

ואם תכשילך עין ימינך נקר אותה והשלך ממך כי טוב לך אשר יאבד אחד מאבריך מרדת כל גופך אל גיהנם:

כי מן הלב יוצאות מחשבות רע רציחות נאופים זנונים גנבות עדיות שקר וגדופים:

כי אם ינסה כל איש בתאות נפשו אשר תסיתהו ותפתהו:

ואחרי כן הרתה התאות ותלד חטא והחטא כי נשלם יוליד את המות: