כי כל אשר יעשה מכל התועבות האלה ונכרתו הנפשות העשת מקרב עמם:

ואני אתן את פני באיש ההוא והכרתי אתו מקרב עמו כי מזרעו נתן למלך למען טמא את מקדשי ולחלל את שם קדשי:

והנפש אשר תעשה ביד רמה מן האזרח ומן הגר את יהוה הוא מגדף ונכרתה הנפש ההוא מקרב עמה:

כי דבר יהוה בזה ואת מצותו הפר הכרת תכרת הנפש ההוא עונה בה:

כי אם שוב תשובו ודבקתם ביתר הגוים האלה הנשארים האלה אתכם והתחתנתם בהם ובאתם בהם והם בכם:

ידוע תדעו כי לא יוסיף יהוה אלהיכם להוריש את הגוים האלה מלפניכם והיו לכם לפח ולמוקש ולשטט בצדיכם ולצננים בעיניכם עד אבדכם מעל האדמה הטובה הזאת אשר נתן לכם יהוה אלהיכם:

הנה ימים באים וגדעתי את זרעך ואת זרע בית אביך מהיות זקן בביתך:

ואיש לא אכרית לך מעם מזבחי לכלות את עיניך ולאדיב את נפשך וכל מרבית ביתך ימותו אנשים:

ויפילו גורלות משמרת לעמת כקטן כגדול מבין עם תלמיד:

וימצא מבני הכהנים אשר השיבו נשים נכריות מבני ישוע בן יוצדק ואחיו מעשיה ואליעזר ויריב וגדליה:

ויתנו ידם להוציא נשיהם ואשמים איל צאן על אשמתם:

ומבני יוידע בן אלישיב הכהן הגדול חתן לסנבלט החרני ואבריחהו מעלי:

זכרה להם אלהי על גאלי הכהנה וברית הכהנה והלוים:

ויכרת יהוה מישראל ראש וזנב כפה ואגמון יום אחד:

ויהיו מאשרי העם הזה מתעים ומאשריו מבלעים:

הנה יהוה בוקק הארץ ובולקה ועוה פניה והפיץ ישביה:

והיה כעם ככהן כעבד כאדניו כשפחה כגברתה כקונה כמוכר כמלוה כלוה כנשה כאשר נשא בו:

ונשאו עונם כעון הדרש כעון הנביא יהיה:

אך איש אל ירב ואל יוכח איש ועמך כמריבי כהן:

וכשלת היום וכשל גם נביא עמך לילה ודמיתי אמך:

הניחו אותם מנהלים עורים המה לעורים וכי יוליך עור את העור ונפלו שניהם בתוך הבור:

ואנשים רעים וקסמים יוסיפו סרה מתעים ונתעים:

ותתפש החיה ונביא השקר אתה אשר עשה האותות לפניה אשר הדיח בהן את נשאי תו החיה והמשתחוים לצלמה וחיים השלכו שניהם באגם האש הבער בגפרית:

מה טבו אהליך יעקב משכנתיך ישראל:

והושיע יהוה את אהלי יהודה בראשנה למען לא תגדל תפארת בית דויד ותפארת ישב ירושלם על יהודה:

הלוא אב אחד לכלנו הלוא אל אחד בראנו מדוע נבגד איש באחיו לחלל ברית אבתינו:

ויהי מקץ ימים ויבא קין מפרי האדמה מנחה ליהוה:

ואל קין ואל מנחתו לא שעה ויחר לקין מאד ויפלו פניו:

ולכן נשבעתי לבית עלי אם יתכפר עון בית עלי בזבח ובמנחה עד עולם:

ויאמר שמואל החפץ ליהוה בעלות וזבחים כשמע בקול יהוה הנה שמע מזבח טוב להקשיב מחלב אילים:

כי חטאת קסם מרי ואון ותרפים הפצר יען מאסת את דבר יהוה וימאסך ממלך:

כי אני יהוה אהב משפט שנא גזל בעולה ונתתי פעלתם באמת וברית עולם אכרות להם:

שוחט השור מכה איש זובח השה ערף כלב מעלה מנחה דם חזיר מזכיר לבנה מברך און גם המה בחרו בדרכיהם ובשקוציהם נפשם חפצה:

כי אם תעלו לי עלות ומנחתיכם לא ארצה ושלם מריאיכם לא אביט: