ויהי בחצי הלילה ויהוה הכה כל בכור בארץ מצרים מבכר פרעה הישב על כסאו עד בכור השבי אשר בבית הבור וכל בכור בהמה:

ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשר אין שם מת:

אכנו בדבר ואורשנו ואעשה אתך לגוי גדול ועצום ממנו:

ויאמר משה אל אהרן קח את המחתה ותן עליה אש מעל המזבח ושים קטרת והולך מהרה אל העדה וכפר עליהם כי יצא הקצף מלפני יהוה החל הנגף:

ויעמד בין המתים ובין החיים ותעצר המגפה:

יפלס נתיב לאפו לא חשך ממות נפשם וחיתם לדבר הסגיר:

ויך כל בכור במצרים ראשית אונים באהלי חם:

אל קנוא ונקם יהוה נקם יהוה ובעל חמה נקם יהוה לצריו ונוטר הוא לאיביו:

יהוה ארך אפים וגדול כח ונקה לא ינקה יהוה בסופה ובשערה דרכו וענן אבק רגליו:

ותגעש ותרעש הארץ ומוסדי הרים ירגזו ויתגעשו כי חרה לו:

ויט שמים וירד וערפל תחת רגליו:

ישת חשך סתרו סביבותיו סכתו חשכת מים עבי שחקים:

וירעם בשמים יהוה ועליון יתן קלו ברד וגחלי אש:

מזי רעב ולחמי רשף וקטב מרירי ושן בהמות אשלח בם עם חמת זחלי עפר: