נשבע אדני יהוה בקדשו כי הנה ימים באים עליכם ונשא אתכם בצנות ואחריתכן בסירות דוגה:

ופרצים תצאנה אשה נגדה והשלכתנה ההרמונה נאם יהוה:

ואבד מנוס מקל וחזק לא יאמץ כחו וגבור לא ימלט נפשו:

ראיתי את אדני נצב על המזבח ויאמר הך הכפתור וירעשו הספים ובצעם בראש כלם ואחריתם בחרב אהרג לא ינוס להם נס ולא ימלט להם פליט:

ואם יחבאו בראש הכרמל משם אחפש ולקחתים ואם יסתרו מנגד עיני בקרקע הים משם אצוה את הנחש ונשכם:

כי כה אמר יהוה לבית ישראל דרשוני וחיו:

דרשו את יהוה וחיו פן יצלח כאש בית יוסף ואכלה ואין מכבה לבית אל:

עשה כימה וכסיל והפך לבקר צלמות ויום לילה החשיך הקורא למי הים וישפכם על פני הארץ יהוה שמו:

שנאו בשער מוכיח ודבר תמים יתעבו:

כי ידעתי רבים פשעיכם ועצמים חטאתיכם צררי צדיק לקחי כפר ואביונים בשער הטו:

דרשו טוב ואל רע למען תחיו ויהי כן יהוה אלהי צבאות אתכם כאשר אמרתם:

תגל ערותך גם תראה חרפתך נקם אקח ולא אפגע אדם:

לא עליתם בפרצות ותגדרו גדר על בית ישראל לעמד במלחמה ביום יהוה:

ואבקש מהם איש גדר גדר ועמד בפרץ לפני בעד הארץ לבלתי שחתה ולא מצאתי:

אפגשם כדב שכול ואקרע סגור לבם ואכלם שם כלביא חית השדה תבקעם:

מהר התרצה לאיש ריבך בעודך בדרך אתו פן יסגיר אתך איש ריבך אל השפט והשפט יסגירך לשוטר והשלכת את בית הכלא:

לכן היו נכונים גם אתם כי בשעה אשר לא תדמו יבוא בן האדם:

אשרי העבד אשר אדניו בבואו ימצאהו עשה כן:

ואם העבד הרע יאמר בלבו בשש אדני לבוא:

בוא יבוא אדני העבד ההוא ביום לא יצפה ובשעה לא ידע:

אז תדמה מלכות השמים לעשר עלמות אשר לקחו את נרותיהן ותצאנה לקראת החתן:

הכסילות לקחו את הנרות ולא לקחו עמהן שמן:

וכאשר בשש החתן לבוא ותנמנה כלן ותרדמנה:

אז התעוררו כל העלמות ההן ותיטבנה את נרותיהן:

ותענינה החכמות לאמר לא כן פן יחסר לנו ולכן כי אם לכנה אל המוכרים וקנינה לכן:

ואחרי כן באו גם שאר העלמות ותאמרנה אדנינו אדנינו פתח לנו:

לכן שקדו כי אינכם יודעים את היום ואת השעה אשר יבא בה בן האדם:

אך עת בוא היום ההוא והשעה ההיא אין איש יודע אותה גם לא מלאכי השמים גם לא הבן מבלעדי האב:

והיה כאיש הולך למרחק אשר עזב את ביתו ויתן שלטן לעבדיו ולאיש איש את מלאכתו וגם את השוער צוה לשקד:

פן יבוא פתאם ומצא אתכם ישנים:

אז מי הוא המלך הקם להתגרות מלחמה במלך אחר ולא ישב בראשונה ויתיעץ אם יוכל בעשרת אלפים לערך לקראת הבא עליו בעשרים אלף:

ואם לא ושלח אליו מלאכים בעודנו רחוק לבקש שלום:

ויאמר אמת אמר אני לכם כי האלמנה העניה הזאת נתנה יותר מכלם:

ויהי באמרם על המקדש כי מהדר הוא באבנים יפות ובמתנות ויאמר:

וישאלהו לאמר רבי מתי אפוא תהיה זאת ומה הוא האות לעת היותה:

ובשמעכם מלחמות ומהומות אל תחתו כי היו תהיה זאת לראשונה אך עוד קץ למועד:

והיה רעש גדול כה וכה ורעב ודבר וגם מוראים ואתות גדלות מן השמים:

והיתה זאת לכם לעדות:

כי אנכי נתן לכם פה וחכמה אשר לא יוכלו לעמד לפניה ולדבר נגדה כל מתקוממיכם:

והייתם שנואים לכל אדם למען שמי:

בתוחלתכם קנו לכם את נפשתיכם:

אז ינוסו אנשי יהודה אל ההרים ואשר הם בתוכה יצאו ואשר הם בפרזות אל יבואו בה:

ואוי להרות ולמיניקות בימים ההם כי תהיה צרה גדולה בארץ וקצף על העם הזה:

והיו אתות בשמש ובירח ובכוכבים ועל הארץ מצוקה לגוים ומבוכה מהמית הים ודכיו:

ואז יראו את בן האדם בא בענן בגבורה ובכבוד רב:

וידבר אליהם משל ראו את התאנה ואת כל העצים:

ככה אף אתם בבא אלה לעיניכם דעו כי קרובה מלכות האלהים:

השמים והארץ יעברו ודברי לא יעברון:

כי כמו פח יבוא על כל הישבים על פני כל הארץ:

הלא אף אתם ידעתם היטב כי יום יהוה כגנב בלילה כן בוא יבוא:

אבל אתם אחי אינכם בחשך שישיג אתכם היום כגנב:

מאין המלחמות והמדנים אשר ביניכם הלא מתוך התאות המתגרות באבריכם:

הן אתם מבקשים ואינכם מקבלים על אשר תתפללו ברעה למען תבלו בתאותיכם:

או התדמו בנפשכם כי לריק אמר הכתוב בקנאה יתאוה לרוח השכן בקרבנו:

לכן הכנעו לאלהים התיצבו נגד השטן ויברח מפניכם:

התענו והתאבלו ובכו שחקכם יהפך לאבל ושמחתכם ליגון:

זכור את אשר קבלת ושמעת ושמרה זאת ושובה ואם לא תשקד הנני בא עליך כגנב ולא תדע באי זו שעה אבא עליך: